Pál Joensen úr Suðuroyar Svimjifelag hevur júst morlað føroyska stuttgeilametið á 1500 metrum frí, og eisini sett norðurlendsk seniormet við yvir 6 sekundum, á World Cup stevnuni í Moskva, í beinleiðis kapping við tann nú fyrrverandi norðurlendska methavaran Mads Glæsner. Tíðin hjá Pál varð 14:32.64, har norðurlendska metið hjá Glæsner var 14.38.87, frá World Cup í Stockholm í fjør, og føroyska metið hjá Páli var 14:39.99 frá EM í Rijeka í fjør. Næstur eftir Pál gjørdist Vitaly Romanovich úr Russlandi, næstan 7 sekundir aftanfyri føroyingin, við tíðini 14:39.51. Og nummar 3 varð so Mads Glæsner úr Danmark, við tíðini 14:44.43.
Setanin av World Cup í Moskva
Ein video hjá Bjarnasyni av Facebook, við viðmerking: “Setanin til World Cup í Moskva var sera russisk hehe.
Lotte Friis heimsmeistari í 800m frí hyggur at. Hon var jú við í “Vild med dans” hehe.”
Pál saman við legendunum í Moskva
Jón Bjarnason hevur sent nakrar myndir afturat úr kuldanum í Moskva, har vit her millum annað síggja Pál saman við tiltikna Vladimir Salnikov, 1500 metra meistari frá OL í Moskva og Seoul í 1980 og 1988, og fyrsti maður undir 15 minuttir í 1500 metra frí á langgeil.
Strekk vristina, tá ið tú kavar útí!
GoSwim! hevur nógvar góðar videoir um svimjiteknikk, bæði tá tað kemur til svimjigreinarnar, og start og vending. Í hesari her niðanfyri vísa tey á, at tað eisini hevur týdning at ‘streamline’a føtur og bein, á sama hátt sum vit kava við strektum ørmum og samlaðum hondum.
Starts – Clean Up the Feet from Glenn Mills on Vimeo.
Silvurnál funnin í Klaksvíkar Svimjihøll
Onkur hevur mist sína silvurnál. Eg rokni bara við at tað er onkur sum hevur fingið hana til seinastu kapping í Klaksvík síðsta vikuskiftið, og hevur mist hana burtur. Viðkomandi sum heldur at tað er sín, ella tann sum heldur seg vita hvør hevur mist hana, kann venda sær til mín á tlf 217597.
Vh.
Søren Olsen
Pál nr 4 í 400 frí á World Cup í Moskva
Pál Joensen úr Suðuroyar Svimjifelag gjørdist akkurát ov stuttur til heiðursmerki í 400 frí á World Cup í Moskva, hóast hann setti føroyskt met við meira enn einum sekundi. Tíðin hjá honum var 3:41.40, har føroyska metið hjá honum frá EM í Rijeka í fjør var 3:42.57. Nikita Lobintsev úr Russlandi vann gull við tíðini 3:38.40, meðan danski Mads Glæsner vann silvur við 3:40.10, og russiski Mikhail Polishchuk vann bronsu við 3:40.65. Sí úrslitalistan her.
Verraszto nýtt heimsmet í 200 blandað
Evelyn Verraszto úr Ungarn setti í dag nýtt heimsmet í 200 blandað á stuttgeil, við tíðini 2:06.02, har heimsmetið hjá simbabviskuk Kirsty Coventry frá HM í Manchester í 2008 var 2:06.13. Sí úrslitalistan her.
Guehrer nýtt heimsmet í 50 rygg
Marieke Guehrer úr Avstralia setti á World Cup stevnuni í Moskva í dag nýtt heimsmet í 50 rygg á stuttgeil, við tíðini 26.17, har heimsmetið hjá kroatisku Sanja Jovanovic frá EM í Rijeka í fjør var 26.23. Sí úrslitalistan her.
Pál triðbestu tíð í innleiðandi 400 frí
Pál Joensen vísti aftur í morgun stórform, við kontrollerað at svimja innleiðandi 400 frí uppá 3:45.15, á World Cup stevnuni í Moskva. Hann svam við næstbestu tilmeldingartíð í sínum riðli, har Mads Glæsner hevði ta bestu, men legði seg longu eftir 100 metrum tríggjar tíggjundapartar framum danan. Glæsner royndi at svara aftur, til eina løtu at liggja umleið 1 tíggjundapart aftanfyri Pál, men dragnaði so aftur ímóti endanum, til at enda 1.81 sekund aftanfyri føroyingin. Jón Bjarnason SMS-ar úr Moskva: “400m føldist væl, kontrollerað svimjing við einum lítlum sindri av trykk á seinastu 100m, men væl undir maks.”
Úrslitið av innleiðandi 400 frí gjørdist sostatt:
- Nikita Lobintsev (RUS) 3:43.36
- Dominik Meichtry (SUI) 3:44.63
- Pál Joensen (FAR) 3:45.15
- Mikhail Polishchuk (RUS) 3:45.83
- Vitaly Romanovich (RUS) 3:46.38
- Mads Glæsner (DEN) 4:46.96
- Sergey Bolshakov (RUS) 3:47.88
- Clemens Rapp (GER) 3:48.19
Offisielli úrslitalistin hjá russum sæst her:
http://www.omegatiming.com/swimming/racearchives/2009/moscow/C74A_ResSummary_12_Heats_Men_400_Free.pdf
Continue reading Pál triðbestu tíð í innleiðandi 400 frí
“LIVE” síðan klár til World Cup
So skuldi www.svimjing.com/live verið klár til World Cup, við bæði “live timing” og “live streaming” frá svimjistevnunum í Moskva, Stockholmi og Berlin, umframt møguleika at chatta, síggja føroysk videobrot, og lesa feskastu ‘tweets’ frá stjørnunum.
Continue reading “LIVE” síðan klár til World Cup