svimjing.com

Samlaða skuldin frá heimsmeistarastevnuni í Rom í fjør summar varð sambært SwimNews.com tilsamans 12.7 milliónir evrur, ella smáar 95 milliónir krónur. Av teimum hevur italska svimjisambandið goldið 1.75 milliónir evrur, ella umleið 13 millónir krónur, meðan býurin Rom ikki enn hevur goldið tær 1.688 millónir evrur sum tey í øllum førum skylda. Okkurt sum Craig Lord kallar "Italy's public purse" skal gjalda aðrar 3 millónir evrur... og eftir eru so einar 6.2 milliónir evrur, ella yvir 46 milliónir krónur, sum eingin enn sigur seg eiga ábyrgdina av.

Heimsmeistarastevnan í Rom í summar gav sambært SwimNews.com eitt undirskot uppá 9.5 milliónir evrur, ella umleið 70.6 milliónir krónur. Av hesum skulu italska svimjisambandið FIN og býurin Rom gjalda 3.4 milliónir evrur, ella einar 26.8 milliónir krónur, meðan staturin so tekur sær av restini. Og hetta er altso bara undirskotið, sum má merkja at samlaði kostnaðurin hevur verið væl størri.

42 ára gamla Dara Torres vann 3 silvurheiðursmerki á OL í Beijing í fjør, og kláraði seg eisini at svimja seg í finalur á HM í Rom í summar, við bestu tíð í 50 frí á 24.43 (á langgeil!), hóast knæið vegna gikt var hovið til tað dupulta. Her á health.msn.com gevur hon nøkur góð ráð til íðkarar yvir 35 ár, um at duga at taka pausu onkuntíð, lurta eftir kroppinum, um at styrkivenja, venja 'snildari' heldur enn harðari, og brúka sína erfaring til at vinna á teimum yngru.

Amerikanska Ariana Kukors fekk sítt gjøgnumbrot á HM í Rom í summar, tá ið hon vann gull í 200 blandað, og tvær ferðir betraði um heimsmetið sum avstralska Stephanie Rice annars átti. The Washington Post hevur eina áhugaverda grein her á reachforthewall.com, har hon og venjarin Hutchinson greiða frá hvussu tey miðvíst testaðu ymiskar 'superdraktir', og broyttu teknikkin hjá henni til at hóska til draktina.

It didn’t take great insight to notice that the impermeable suits worked as pure flotation aids, Hutchison said, helping swimmers keep their feet up with less effort. That, in turn, allowed Kukors to hold her head higher without losing that body position. And the high head, Hutchison realized, provided a significant strength boost to her stroke.

How? By allowing her to utilize her pectoral muscles more fully. (To make the scientific theory more plain, he said, consider how a person executes pull-ups when fatigued — by throwing the head back to get more power from the pecs).

Altjóða svimjisambandið FINA upplýsir í tíðindaskrivi her, at allar tær 391 dopingtestirnar vóru negativar, sum vórðu tiknar í leypi av heimsmeistarastevnuni í Rom herfyri. 252 testir vóru frá sjálvari kappsvimjingini, 30 frá havsvimjingini, 33 frá lop av vippu, 11 frá synkronsvimjing, og 65 frá vatnpolo.

Tit minnast kanska niðanfyri standandi video hjá mær, frá svimjikappingini hjá journalistum. Tilfeldigvís er Steve Parry ein av luttakarunum í riðlinum, og á BBC kunnu tit so síggja, hvussu tað gekst honum at koma niður í superdraktina. Har er eisini ein onnur áhugaverd video, har James Munro forklárar eitt sindur um hvussu superdraktirnar rigga.

Hetta var nokk størsti kiksari á heimsmeistarastevnuni í Rom, tá ið Rebecca Soni totalt doyði, teir síðstu 50 metrarnar í 200 metra bringu finaluni, eftir at hava roynt eftir heimsmetinum. Her síggja vit síðstu longdina, har hon at byrja við er langt frammanfyri hinar, og tó so verður nummar 4 ...

181 fløgg síggjast aftur, sjálvt runt um um ein 50 metra hyl ...

Craig Lord á SwimNews.com hevur talt upp, hvørjar superdraktir ymisku heiðursmerkjavinnararnir vóru í á heimsmeistarastevnuni í Rom, og eisini hvørjar draktir sum vórðu nýttar til at seta heimsmet í. Úrslitið var ein ein greiður sigur til Arena X-Glide, við Jaked J01 á øðrum plássi og Speedo LZR á triðja, hóast Arena handilin so gott sum ikki var opin í leypi av HM.

Nes Kommuna og Svimjifelagið FLOT skipaðu í gjárkvøldið fyri almennari móttøku fyri Biritu, nú hon kom heim aftur úr Rom. Ein hugnalig løta við røðum frá borgmeistarunum í Nes Sóknar Kommunu og Runavíkar Kommunu, løgtingsmanninum Alfred Olsen, og forkvinnuni í FLOT. Og undirritaði nýtti eisini líka høvið, til at biðja um gólv at venja á :-)