svimjing.com

Danski landsliðsvenjarin, Paulus Wildeboer, vísir her lokalum fólkum í Leadville, hvussu hansara svimjarar venja. Hann greiðir frá, at gamla mytan um, jú harðari tú venur tess betur verður tú, er skeiv. Í hansara huga eigur tað at vera, at tess betur tú venur, tess betri verður tú. Wildeboer leggur aftrat, at fyrr hevði man nógva aeroba venjing, áðrenn man gjørdi anaeroba venjing. Nú verður anaerob venjing lagd í venjingini beinanvegin. Í videobrotinum verður víst dømi uppá hetta. Man sær eisini Wildeboer fýsa eftir Lotte Friis (6 min 50 sek).

Danski bringusvimjarin Rikke Møller Pedersen tosar her við heimsmeistararnar báðar Lotte Friis og Jeanette Ottesen, á skjótibreyt í Leadville, Colorado. Síðani skjýtur Ottesen við onkrari motherf***** militér-riflu, so at hon fær tár í eyguni.

Áhugaverd grein og videobrot her á 9news.com, um hvussu Paulus Wildeboer fyri triðju ferð hevur tikið danska landsliðið og onnur við sær til fyrrverandi silvurnámsbýin Leadville, 3000 metrar uppi í Colorado-fjøllunum, at venja í eyka høgari hædd. Tað er ein rættiliga avanserað hæddarvenjingarteknikkur sum hann hevur uppbygt, ið umfatar at fyrireika seg í iltteltum áðrenn, fara upp í hasa heilt høgu hæddina, og síðani niður aftur í meira vanligar 2000 metrar, og síðani aftur at sova í iltteltum, til at fáa so góða effekt sum gjørligt.

Eina løtu sá tað út til at gerast ein marra fyri Danmark, tá ið Lotte Friis í gjár undir landvenjing fekk fótin í klemmu í einum lopi um nakrar bummar, og datt so illa at hon noyddist á skaðastovu. "Jeg kunne ikke bevæge håndleddet og mine fingre", sigur Lotte við Ekstra Bladet, og tey stúrdu tí fyri at hon hevði brotið okkurt, teir 4-5 tímarnar sum tað tók at fáa eina diagnosu. Lukkutíð hevur hon bara keikt handliðin og nakrar fingrar, og verður tí væntandi í hylinum aftur 'fyri fulla skrúvu' um nakrar dagar, heldur enn at vera úti í tveir mánaðir. Les Ekstra Bladet.

Donsku kvinnurnar fara sunnudagin eftir einum OL plássi í 4x100 frí. Landsliðsvenjarin Paulus Wildeboer metur at tær hava ein møguleika at verða millum 12 tey skjótastu liðini, ið undir HM gevur atgongd til OL 2012. Liðið verður mannað av Lotte Friis, Jeanette Ottesen, Pernille Blume (16 ár) og Mie Ø Nielsen (14 ár). Jeanette Ottesen skal haraftrat luttaka í 100 firvald sunnudagin, ið er hennara OL vón sum einstaklingur, meðan Lotte Friis luttekur í 400 frí. Ikki kann sigast annað enn nógv stendur uppá spæl hjá donsku kvinnunum fyrsta dagin í hylinum.

Sporten.dk avdúkar her at Lotte Friis hevur skrivað sáttmála við svensku fyritøkuna AXA, sum merkir at hon ikki longur skal stríðast við at finna pengar til at kunna liva sum úrvalssvimjari. Kelda SwimNews.dk

- Nu kan jeg begynde at opfatte mig selv som rigtig professionel. Jeg er kommet til et punkt i min karriere, hvor jeg også kan sætte til side, så jeg har noget til livet efter svømmekarrieren. Det er en kæmpe lettelse for mig det her, siger Lotte Friis til sporten.dk

Lotte Friis hevur sent SwimNews.dk eitt tíðindaskriv, har hon sigur at hon í morgin fer at kunngera at hon skiftir felag, og verður fyrsti danski svimjari við fulltíðarsáttmála.

Jeg vil gerne blive i svømningen, men det er klart jeg må tænke alternativt ift. at få økonomi og fremtidig professionel karriere til at hænge sammen. Med denne kontrakt får jeg nogle nye muligheder, som kan understøtte mig i min karriere – og med dette skridt håber jeg, at jeg kan være med til at åbne nogle muligheder for andre svømmere i Danmark.

Uhui, danir sleppa upp í part eisini, nú Arena ger hesa video frá venjingarlegu við Lotte Friis. Tey eru so vítt eg dugi at síggja í Bellahøj Svømmestadion í Keypmannahavn, har Friis venur til dagliga.

Donsku Lotte Friis og Rikke Møller Pedersen hava nú fingið sær illtelt heima í sovikamarinum, sum fyrireiking til klassiskar hæddarlegur, og til at halda blóðvirðini uppi sum longst eftir hæddarleguni.Team Danmark hevur annars kritisera nýtsluna av iltteltum heilt fram til 2009, men hevur nú sambært Lars Johansen á Team Danmarks testcenter broytt støðu:

Det er en åbning for, at danske atleter kan benytte den lovlige teknologi, der er til rådighed. Vi forsøger det på nogle navngivne atleter, som vi ved har erfaring med højdetræning.

Sporten.dk skrivar her at Lotte Friis fær sveittan fram tá ið dopingeftirlitið vitjar, tí at hon ræðist møguleikan fyri at hava fingið okkurt ólógligt evni gjøgnum matin. Hon ferðast jú nógv, og fært tí ikki altíð eftirkannað matin heilt hundrað prosent. "Det er utrolig ubehageligt, især når man ved, man ikke har gjort noget."