svimjing.com

Bretska svimjisambandið fær 25,1 milliónir pund í stuðli frá UK Sport, tíðarskeiðið 2009-2013, sum liður í fyrireikingunum fram ímóti heiðursmerkjum á OL í London í 2012. Svimjingin er harvið nr 3 á listanum yvir teimum ítróttargreinum sum fáa mesta stuðul frá hesum Team Danmark líknandi stovni, aftanfyri rógving við £26.93 mió og súkkling við £26.39 mió, og á linju við frælsan ítrótt. Hetta komandi árið er tað tó svimjingin sum hevur sett sær klárt hægstu mál, við at ætla sær 35 heiðursmerki á komandi Commonwealth Games, meðan rógvingin ætlar sær 3-5 heiðursmerki á komandi heimsmeistarastevnu, og súkklingin 5-10 heiðursmerki eisini á komandi heimsmeistarastevnu. Og tá hava bretar ikki talt við, at svimjingin jú eisini hevur eina heimsmeistarastevnu í ár, umframt evropameistarastevnu og annað gott. Les telegraph.co.uk

Viðfestur er startlistin til mastersstevnuna í Klaksvík nú leygardagin 13. mars. Tey eru tilsamans 12 kvinnur og 26 menn úr HS, Ægir og FS, sum fara at kappast á 50 og 100 metra teinunum. Heilt kend svimjinøvn sum til dømis Petur Heðin á Fløtti, Jón Hestoy og Høgni Mikkelsen, í aldursbólkum frá árgang 1945 til 1983.

Viðfestur er luttakaralistin til junior- og seniorstevnuna í Klaksvík nú leygardagin tann 13. mars. Altso 'vanliga' svimjistevnan, í mun til mastersstevnan sum verður seinnapartin sama dag. Mest merkisvert er tað at Guðrun Holm Jacobsen aftur verður at síggja í hylinum, og at Malan Vitalis Bærendsen er klár aftur at royna seg í 50 bringu, sum á HS stevnuni herfyri. Annars verður sagt frá mastersstevnuni, at tey eru yvir 30 sum koma úr Havn at kappast, og eini 9 sum ætla sær at verja borg har norðuri frá. Tað hoyra vit óivað meira um, hesar komandi dagarnar :-)

SwimNews.com skrivar í kvøld, at minst 8 olympiskir meistarar fara at kappast á komandi Mare Nostrum kapping í Monaco tann 5. - 6. juni 2010, umframt ein rúgva av øðrum góðum svimjarum. Nøvnini eru til dømis Marieke Guehrer, Leisel Jones, Stephanie Rice, Jessicah Schipper og Brenton Rickard úr Avstralia, Alain Bernard og Coralie Balmy úr Fraklandi, Kosuke Kitajima úr Japan, Oussama Mellouli úr Tunesia, og Rebecca Soni, Jessica Hardy, Natalie Coughlin, Dana Vollmer, Aaron Peirsol og Eric Shanteau úr USA.

Áhugaverd grein her á Politiken.dk, har Paulus Wilderboer, landsliðsvenjari hjá Danmark, greiðir frá túrinum hjá donskum úrvalssvimjarum til Japans at kappast í síðstu viku. Hann sigur at hetta var betur enn luttøka á World Cup, við tað at svimjararnir kundu royna hvussu tað er at kappast eftir langa ferð og við 'jetlag' ímóti góðum svimjarum sum man ikki kennir. Svimjararnir vóru móðir eftir venjingarlegu á Kýpros, og úrslitini vóru tí svingandi, frá "acceptable" til "meget ringe". Og so sigur hann: »Svømmerne må bare vænne sig til den nye virkelighed: når de bliver trætte, så er de trætte og får ikke længere hjælp fra dragterne. De har for nemt svømmet hurtigt de seneste år.«

SwimNews.com skrivar her um eina kapping nú leygardagin í italska býnum Torraca, til frama fyri Haiti, har høvuðsattraktiónin er ein holmgonga millum Milorad Čavić, Yevgeny Korotyshkin og Peter Mankoč í 50 metra firvald. Čavić hevur hildið ein steðg síðani HM í Rom í fjør summar, til at klára høvdið og loyva kroppinum at lekja seg aftur. Korotyshkin vann 100 firvald á EM í Istanbul í desember, og varð nummar 3 í 50 firvald, aftanfyri Johannes Dietrich og Frédérick Bousquet. Og Mankoč - ja, hann er tann sum vann EM í 100 firvald á stuttgeil í 9 ár á rað, fyri síðani 'bara' at gerast nummar 3 í fjør :-)

Granskarar á University of Florida hava mennt eitt plastevni sum er "nearly perfect hydrophobic" (altso næstan fullkomiliga vatnavvísandi), við at herma eftir teimum elalítlu hárunum á eiturkoppi. Plastevnið riggar líka væl í køldum sum í heitum vatni, og er sjálvreinsandi við tað at vatnið tekur allan skitt við sær. Eiturkoppar brúka hárini til bæði at halda seg turrar, og til sum her í videoini niðanfyri, at kunna draga luftbløðrur við sær undir vatn. Les physorg.com

Lotte Friis megnaði at vinna gull í 400 frí við tíðini 4:02.53, og Mads Glæsner silvur í somu grein við tíðini 3:43.64. Vinnarin á Mads var japanski Takeshi Matsuda við tíðini 3:42.91. Jeanette Ottesen vann bronsu í 100 frí við tíðini 53.61, aftanfyri Therese Alshammar á 53.39 og kinesisku Z. Li á 53.48. Rikke Møller Pedersen svam seg við tíðini 2:22.49 til eitt fimtapláss í 200 bringu, har hennara evropamet frá EM í Istanbul í desember er 2:16.66. Sí úrslit her á seiko.co.jp

Teldupostur frá HS: "Vit skulu við hesum boða frá at kappingin fyri bólk 1-4, ið eftir ætlan skuldi vera í Havn 6. mars, er avlýst. Ætlanin er at halda hana seinni, men tó áðrenn FM."

Lotte Friis vann 800 frí við tíðini 8:20.50, og Mads Glæsner vann 1500 frí við tíðini 14:49.74. Jeanette Ottesen vann silvur í 50 frí við 24.63, aftanfyri svensku Therese Alshammar á 24.47, og hartil bronsu í 50 firvald við tíðini 25.91, aftanfyri Therese Alshammer á 25.51 og Lin Jiao á 25.89. Rikke Møller Pedersen kláraði við 1:03.09 at vinna B-finaluna í 100 blandað, tvs. gerast nr 9, men gjørdist so hinvegin einans nr 23 í 100 bringu, við tíðini 1:08.68. Hon eigur evropametið í 100 bringu, við 1:04.21 frá Salnikov Cup í desember. Vinnarin í 100 bringu var Mina Matsushima úr Japan, við 1:05.67. Sí úrslit her á seiko.co.jp.