ÍSF avnoktar lut í “Ársins føroyska ítróttarnavn 2013”

Ja, tit kenna væl øll rokið, nú ítróttaráhugað um alt landið hava kjakast hesar seinastu sjey dagarnar, um hví Livar Nysted og Rebekka Dahl ikki vórðu tilnevnd til “Ársins føroyska ítróttarnavn 2013”, og um nú havrógving og/ella talv er ítróttur.

Forseti ÍSF avnoktaði so fyrrakvøldið her á isf.fo, at ÍSF átti nakran lut í tilnevningini. “Dómsnevndin, sum útnevndi tey fimm ítróttafólkini, varð ikki sett av ÍSF, men av teimum, ið fyriskipaðu nýggjarssendingini. Fyriskipararnir løgdu eisini upp til, hvussu mannagongdin skuldi vera. Tí hevur útnevningin av teimum fimm als einki við Ítróttasamband Føroya at gera.”

Eftir drúgva umhugsan vil eg tí her vegna svimjing.com biðja um treytaleysa umbering, fyri at eg stuðlaði upp undir hasum tiltakinum, við grein her á heimasíðuni og áminning á Facebook.

Tað vardi meg ikki, at dómsnevndin ikki virkaði vegna ÍSF, tá ið trý av teimum fýra í reklamuni fyri tiltakinum vórðu presenterað sum “ÍSF forseti”, “føroyskt umboð í oyggjaleikanevndini” og “umboð fyri ítróttarfólkini”. Hóast eg haldi meg hava fylgt rættiliga væl við tiltakinum, so sá eg onga rættleiðing fyrr enn nú fyrrakvøldið, og eg haldi meg ána at eisini partar av ÍSF sóu tað ørvísi, tá ið tað varð lýst við tiltakinum á Facebook-síðuni hjá ÍSF.

Meira grunnleggjandi, so er tað snøgt sagt ørkymlandi, at fyrrverandi og núverandi ÍSF forsetar valdu at taka ÍSF burtur úr tiltakinum, og avgreiða tað sum privatpersónar, tá ið tað burdi verið líkatil hjá teimum at umboða felagsskapin í kraft av sínum titlum, ella við eini handavending at fáa uppbakning til at virka vegna okkum øll. Tí tað er væl ikki bara eg sum havi saknað eitt sovorðið tiltak, til at heiðra okkara bestu ítróttarfólkum.

Um eg hevði vitað av at ÍSF ikki vildi vera partur av tiltakinum, ella at teir báðir nú- og fyrrverandi forsetar av sínum eintingum hildu ÍSF uttanfyri, ella hvussu hatta nú hongur saman, so hevði eg nokk enn (vegna svimjing.com) lýst við tiltakinum, við onkrum teksti um hvussu ÍSF ikki var offisiellur partur av tiltakinum.

Eg vil her at enda heita á Ítróttasamband Føroya, at umhugsa at bakka upp um eitt sovorðið tiltak, um nakar fæst at skipa fyri tí eina aðru ferð.

Vegna svimjing.com

Rókur í Jákupsstovu

Prát í Morning Swim Show um føroyska og danska svimjing

Her ein samrøða millum meg og Jeff Commings hjá SwimmingWorld, um føroyska svimjing, Pál Joensen, Magnus Jákupsson, danska svimjing og annað. Nokk so irriterandi at Skype-sambandið var so vánaligt, og so sat eg fastur í tí enska eisini, nakrar ferðir. Tað kann bara blíva betri 🙂

YouTube loyvir nú rásum við 100+ haldarum at ‘Live Streama’

Lesið her á YouTube Creators: YouTube víðkar nú tilboðið at kunna stroyma beinleiðis, til allar tær rásir ið hava minst 100 haldarar, og sum annars ikki hava forbrotið seg inn á copyright og tílíkt. Áðrenn hetta kravdust minst 1000 haldarar.

YouTube Creators: Start live streaming if you have 100+ subscribers

YouTube rásin hjá svimjing.com hevur sum er 54 haldarar, so vit mangla bara 46 til at kunna bjóða eisini veruligt, offisielt YouTube ‘live stream’. So tað er bara at trýsta á reyða knøttin, um tit ikki longu hava gjørt tað 😉

Untitled

12-12-2012

Í samband við dagin í dag, 12-12-2012 klokkan 12:12, verður víst á 12 tíðindi, ið nevna talið 12.

Ja, so hevur man roynt tað við

Úthongdur og útspiltur í Sosialinum, fyri at hava ‘misnýtt’ Pál. Hatta er so syrgiligt at eg tími ikki ein gang at muta ímóti – um ætlanin er at vit skulu fáast burtur úr føroyskari svimjing, so er tað fyri mín part heilt væl á leið; tí við vinum sum hasum er best at sleppa sær vekk.