30 heiðursmerki á Álandi?

Tað er eftirhondini púra greitt, at vit føroyingar fara at gera eitt ordans hál í svimjikappingunum á Álandi, um ikki støðið hjá hinum eisini er vaksið óvanliga nógv. Tí støðan er altso, at vit liggja til 12 gullheiðursmerki, 10 silvur og 8 bronsu, um samanborðið verður við heiðursmerkjatíðirnar á Rhodos. Harav vit tíverri mest sannlíkt bara kunnu vinna 11 av teimum 12 gullheiðursmerkjunum, av tí at bæði Shaila og Guðrun liggja til gull í 50 frí 🙂

CIMG2265
Continue reading 30 heiðursmerki á Álandi?

Danskir langteinarar svimja skjótt í løtuni

Tað er ikki so langt síðani at Mads Glæsner tók norðurlendska metið hjá Pál Joensen í 800 frí, og nú betraði Lotte Friis so eisini um sítt norðurlendska í 1500 frí, við (langbana) tíðini 16.09.10, á stevnu í Zaragoza í Spania. Og tá eru tað bara nakrir fáar dagar síðani at Pernille Larsen tók metið frá Louise Ørnstedt í 200 rygg, við at svimja 2.11.10 á langbana í Berlin.

Føroyskir svimjarar skulu sum kunnugt niður at kappast ímóti hesum dønum, á Danish Open í apríl mánaða.

Nú eru tey 10 sum hava klárað kravtíð til Oyggjaleikir

Katarina Lamhauge svam tvær ferðir undir kravtíð í morgun, tá ið hon fyrst svam 34.97 í 50 bringu, og síðani 2:42.40 í 200 bringu. Og nú seinnapartin svam Guðrun Holm Jacobsen seg til gullnál í 50 frí við tíðini 26.66, og Pauli Ø. Mohr til føroyskt met í 50 frí við tíðini 23.96. Hesi trý koma tí afturat teimum 7 sum longu hava kvalifiserað seg til Oyggjleikir, við tíðum betri enn bronsuheiðursmerki av Rhodos.

CIMG2327

(Guðrun H. Jacobsen meðan tíðin hjá henni varð lisin upp)
Continue reading Nú eru tey 10 sum hava klárað kravtíð til Oyggjaleikir

Brúk fyri eini BlueSeventy ‘superdrakt’?

SwimFaster.dk lýsir nú rættiliga ógvusliga á www.swimnews.dk, at tey kunnu levera BlueSeventy Nero Comp heildraktir fyri tilboðsprís 2600 krónur (vanligur prísur DKK 3400), áðrenn DM tann 7.-12. apríl, um tú bíleggur áðrenn 9. mars kl 12:00. Nero draktin er ein tann mest kontroversiella í løtuni, við tað at hon í stóran mun er gjørd úr neopren, og tí minnir meira um eina vátdrakt enn um eina svimjidrakt. Sambært framleiðaranum kann hon halda til at verða nýtt heilar 25 ferðir, ella umleið dupult so nógv sum vit hava hoyrt um t.d. Speedo LZR Racer. Men hinvegin, so er hetta ein av teimum draktum sum eru mest í vanda fyri at verða bannaðar av FINA, nú á fundinum 12.-14. mars.

Her er rokniarkið sum finnur kravtíðirnar

Viðfest er rokniarkið sum vit hava brúkt til at áseta nýggju kravtíðirnar við. Í stuttum er mannagongdin, at lættastu heiðursmerkjatíðir fyrst eru tastaðar inn frá trimum teimum undanfarnu stevnunum av sama slag. Tað vil siga oftast bronsutíðin; uttan í teimum førum har tvær silvur vórðu givnar, heldur enn ein silvur og ein bronsa. Rokniarkið finnur so meðaltíð av teimum trimum tíðunum, og roknar síðani kravtíðina út, við at leggja tað prosenttal afturat sum sæst ovast á kolonnuni við kravtíðum. Hetta tal kann forrestin broytast, til at síggja hvørjar kravtíðirnar vildu verið, um prosenttalið var ørvísi.

EJM_50_frí_menn_lineært
Continue reading Her er rokniarkið sum finnur kravtíðirnar