Tae Hwan Park og Oussama Mellouli luttaka í hesum døgum á Janet Evans Invitational stevnuni í USA, har teir millum annað sunnudagin skulu svimja finalu í 1500 frí. Park svam 15:31.69 og skjótast í innleiðandi í gjár, við amerikanska Trevor R Scheid sum nr 2 við 15:33.88 og Mellouli sum nr 3 við 15:34.10.
Category: Kapping
Joensen video viðgjørd á Floswimming.org
Tað er hann sjálvur Chris DeSantis, sum gevur amerikumonnum eitt update um Pál, har hann hevur funnið hina videoina fram sum Sissal Jónsdóttir framleiddi eftir EJM í Beograd. Nokk so skeg at lesa hansara viðgerð av videoini, av føroyska sjónvarpinum og av Pál, og at kunna lesa eftirfylgjandi viðmerkingar til bloggupostin.
SwimmingWorld heldur eisini at søgan um Italia er verd at nevna
Handan søgan hjá Craig Lord verður eisini nevnd her í The Morning Swim Show, um at Italia risikerar at verða bannað av FINA frá HM í Rom, av tí at Italia enn loyvir sínum svimjarum at brúka Jaked J01 draktina. Tey vísa til at Craig Lord hevur tosað við onkra keldu í FINA, so tað er kanska meira enn bara villar spekulatiónir…
Continue reading SwimmingWorld heldur eisini at søgan um Italia er verd at nevna
US Masters vilja ikki forbjóða draktum, um ikki FINA sigur hvørjar sum eru bannaðar
Sum tit kunnu hoyra í ‘The Morning Swim Show’ her niðanfyri, so ætlar FINA ikki at koma við einum lista yvir hvørjar draktir sum eru bannaðar, tí sum tað stendur onkra aðrastaðni: “FINA has stated that it is against the organization’s policies to release a disallowed list”. Og United States Masters Swimming svarar so aftur, at so fara tey ikki at banna nakra drakt yvirhøvur, fyrr enn tað er heilt greitt hvørjar tær 10 draktirnar eru sum eru bannaðar, og hvørjar 134 sum ‘bara’ eru sendar aftur til framleiðaran at tillaga. Annars eitt fínt ‘show’, har tit fyrstu 3 minuttirnar fáa samandrátt av hvussu nýggju forboðini so-ella-so ávirka nærmast øll heimsmet sum eru sett í seinastuni …
Continue reading US Masters vilja ikki forbjóða draktum, um ikki FINA sigur hvørjar sum eru bannaðar
Lafontaine avdúkar at lynlásini kanska rúka
Ovastin hjá Swimming Canada, Pierre Lafontaine, sigur sambært The Canadian Press, at hann tekur undir við einum lista við broytingarynskjum frá nøkrum av heimsins bestu venjarum, lagdur fyri FINA, har teir vilja hava forboð ímóti snarlásum í svimjidraktum, ímóti draktum niður um knø, og krevja at draktirnar hjá kvinnum hava “cross-back”. Alt til at tryggja at tøknin kann verða verandi í draktini, uttan tó at dominera svimjingina.
Continue reading Lafontaine avdúkar at lynlásini kanska rúka
Italiumenn ætla at brúka J01 á úttøkustevnuni komandi vikuskifti
Hóast FINA fyribils hevur kolldømt Jaked J01 superdraktina, so fer italska svimjisambandið allíkavæl sambært SwimNews.com at loyva nýtslu av hesi drakt, á HM úttøkustevnuni hjá teimum, komandi vikuskifti. Hetta til at vísa virðing fyri svimjarum, liðum og framleiðarum, og teimum íløgum sum familjur hava gjørt upp undir úttøkustevnuna. Til at umganga enn meira forvirring runt evnið, og til at tryggja eina so ‘fair’ kapping sum gjørligt. Tja, mær nýtist nokk ikki at siga, at Lord er misnøgdur.
Vekk vid øllum draktum
Hetta er so bara mín meining. Men eg dugi ikki at síggja adra loysn enn at bannad øllum draktum. Tvs kvinnur svimja í drakt sum hevur hetta og hatta mál, medan menn svimja í svimjibuksum. Sum nú er, er tad totalt kaos, og tad verdur bara verri og verri sum tídin gongur. Alt annad líka, so er sjarman av svimjingini líkasum farin. Tann sum hevur best drakt vinnur (ja sjálvandi skal venjing og talent til, men um vit takad tveir sum venja tad sama og vid sama talenti, so gerd draktin tann seinasta munin). Um draktirnar ikki hjálpa, so var jú eingin grund til at brúka tær, og tá tad er sagt, so er tad ikki altíd besti svimjarin id vinnur, men tann vid tí bestu draktini. Nei gev mær Popov uttan brillur aftur, og let the best man win!!!
Hvørjar eru avleiðingarnar av listanum hjá FINA?
Heilt erligt, so haldi eg tað vera ófatiligt, at FINA soleiðis loyvir sær bara at koma við einum lista, uttan samstundis at siga hvat konsekvensurin er av teirra avgerðum. Og her serliga, um tíðir svomnar í teimum nú ólógligu draktunum verða standandi, ella skulu strikast, til dømis aftur til 31. mars.
Continue reading Hvørjar eru avleiðingarnar av listanum hjá FINA?
Italska svimjisambandið talar eisini at
Italska svimjisambandið hevur eitt tíðindaskriv her á heimasíðu síni, har tey mótmæla avgerðini hjá FINA at banna Jaked J01 draktini. Nú skilji eg tíverri ikki so væl italskt, men Google týðing bendir á at italiumenn kalla luft-fangingar-testina fyri ‘absolutt óvísindaliga’. Tey avvísa hana tí, og vísa annars til at Jaked draktin sambært testunum hvørki var ov tjúkk ella ov flótandi.
BlueSeventy talar at avgerðini hjá FINA
BlueSeventy avdúkar í pressuskrivi her á blueseventy.com, at tey lótu inn 11 modell til test hjá FINA, harav bara éin varð kolldømd so mikið lítið, at hon er millum tær 136 sum kunnu tillagast og kannast av nýggjum um 30 dagar. Hinar 10 vóru opinbart so mikið ólógligar, at tær eru tey 10 modellini sum FINA beinleiðis avvísti vegna tjúkd og/ella flótievni.