Innbjóðing til ABMS 2020 (2)

Góðu tit øll

Her er nýggj innbjóðing til Aldursbólkameistarastevnuna 2020, sum nú útsett til hin 30. og 31. mai 2020.

Her er ymiskt sum er væl øðrvísi enn í fyrru útgávu, til at fáa hesa stevnu at hóska til almennu coronatilmælini sum fráboðað í dag:

  1. Vit royna at avgreiða hvønn aldursbólk uppá éin dag, so at tað vónandi ikki verður neyðugt at yvirnátta.
  2. Vit flyta stevnuna til Havnar, so at vit spara hesa ferðatíð hjá suðuroyingum á degnum, og ífall at neyðugt verður at yvirnátta.
  3. Vit strika allar liðsvimjingar umframt 800 frí; til at spara tíð, og 800 frí til ikki at skula hava ein vendidómara per geil í fjarendanum.
  4. Vit avmarka luttøkuna hjá hvørjum einstakum svimjara til í mesta lagi 8 kappingar, nú hvør einstakur kappast bara éin dag, og til at spara tíð.
  5. Vit krevja at viðkomandi svimjarar verða undanfráboðaðir í seinasta lagi 8. mai, so at vit um neyðugt kunnu tillaga stevnuna enn meira.
  6. SSF skaffar dómararnar, sum vit vænta verður lætt nú tað er ein av fáu møguleikunum at sleppa at vitja ABMS

Har er sikkurt okkurt annað sum eg havi gloymt beint nú, og afturat hesum koma okkara kappingartilmæli ísv corona, sum verða klár í seinasta lagi 15. mai.

Sigið endiliga frá, um okkurt er. Vit royna sum frægast at fáa hesa stevnu avgreidda sum vanligt, men mugu jú tillaga onkunstaðni.

Vegna starvsnevnd SSF

Rókur

EJM 2020 avlýst, NMU 2020 hongur í klønum tráði

Evropeiska svimjisambandið LEN fráboðaði í dag sínum limalondum, at EJM 2020 nú er endaliga avlýst, sum tey annars høvdu vónað at kunna flyta frá juli til í september mánaða.

Photo by jcorrius
Continue reading EJM 2020 avlýst, NMU 2020 hongur í klønum tráði

EYOF 2021 útsett til 2022

Fyriskipararnir av EYOF 2021 hava avgjørt at flyta hesa stevnu sum skuldi verða í Banská Bystrica í Slovakia í juli 2021, til heldur at verða í 2022. Hetta tí at OL hervið varð útsett í eitt ár, til nú at verða umleið samstundis sum hetta EYOF í 2021. Lesið her á Inside the Games

Continue reading EYOF 2021 útsett til 2022

ILS flutt HM í lívbjarging til 2022, aðalfundin til 2021

Altjóða lívbjargingarsambandið ILS hevur í morgun kunngjørt, at HM í lívbjarging sum skuldi verða í Riccione í Italia í september 2020, nú heldur verður í Riccione í september/oktober 2022. Lesið her á ilsf.org umframt offisiella brævið.

riccione photo
Photo by mathias is still around

Eftir ætlan skuldi val-aðalfundur verða í sambandi við hetta HM í 2020, men er hann nú fluttur til heldur at verða í sambandi við altjóða lívbjargingarráðstevnuna sum verður í Sri Lanka í 2021. Og HM sum skuldi verða í Marokko í 2022, verður nú heldur í 2026.

Continue reading ILS flutt HM í lívbjarging til 2022, aðalfundin til 2021

Nú fara vit so smátt í gongd aftur

Starvsnevnd SSF fundaðist í dag við formenn og -kvinnur í føroysku svimjifeløgunum, í forleingilsi av góðu tíðindunum frá Løgmanni mikudagin, at Føroyar lata varisliga upp aftur, íroknað at vit frá 9. mai fara at vónandi kunna hava ítróttarkappingar aftur.

Continue reading Nú fara vit so smátt í gongd aftur

OL 2020 byrjar nú 23. juli í 2021

Fyriskipararnir mongu eru í dag komnir ásamt um, at Olympiskur Leikir 2020 nú verða fra hin 23. juli til 8. august í 2021, og Paralympisku Leikir frá hin 24. august til 5. september í 2021. Lesið her á olympic.org

The International Olympic Committee (IOC, the International Paralympic Committee (IPC), the Tokyo 2020 Organising Committee, the Tokyo Metropolitan Government and the Government of Japan today agreed on new dates for the Games of the XXXII Olympiad, in 2021. The Olympic Games Tokyo 2020 will be celebrated from 23 July to 8 August 2021. They also agreed on new dates for the Paralympic Games, which will be celebrated From 24 August until 5 September 2021.

Atlantic Open 2020 avlýst

Góðu tit øll

Starvsnevnd SSF hevur viðgjørt spurningin um Atlantic Open 2020, nú ein mánaður er til at hendan stevna skal verða sambært kalendara okkara.

Niðurstøðan er at vit avlýsa hesa stevnu, eisini hóast vit hin 14. apríl vónandi eru komin úr hesi neyðstøðu sum nú er.

Vónandi ber til at avgreiða ABMS 2020 og FM á langgeil 2020, tá einaferð í mai og juni, umframt aðalfundin hin 17. apríl.

IOC hevur júst útsett OL til í 2021, og tískil eru bara tvær stevnur eftir í altjóða kalendara okkara til í summar – NMU í juli, og EM nú útsett til í august.

Vónandi hava vit tað øll gott í hesum sóttarhaldum.

Vegna starvsnevnd SSF

Rókur

FINA endurskoðar HM 2021 nú OL verður sama ár

FINA skrivar her at tey fara at endurskoða dagfestingara fyri Heimsmeistarastevnuna sum eftir røttum skal vera í Fukuoka í Japan í 2021, nú OL verður eisini í Japan saman ár. Hetta í samráð við altjóða olympisku nevndina IOC og við lokalu fyriskipararnar í Japan.

fukuoka photo
Image courtesy of ioa8320, Pixabay License Free for commercial use, No attribution required

Japan ynskir nú OL flutt til 2021

Lesið t.d. her á Sports Illustrated umframt tíðindaskrivið nú á heimasíðu IOC sum váttar tíðindini íroknað at Olympisku Leikirnir 2020 verða fluttir til í 2021.

Japanese prime minister Shinzo Abe and Tokyo governor Yuriko Koike have proposed a one-year postponement of the Summer Olympics in Tokyo in a conference call with International Olympic Committee president Thomas Bach.

Abe said Bach agreed “100%” with this proposal, which would have to be approved by the IOC’s Executive Board. 

The Olympics have never been postponed in history. The modern Olympics has been canceled only during wartime. A final decision would have to be announced and made by the IOC and Bach.

Continue reading Japan ynskir nú OL flutt til 2021

OL 2020 verður útsett, sigur IOC limur

Royndi IOC limurin Dick Pound avdúkaði í dag í samrøðu við USA Today, at avgerðin um at útseta OL 2020 er tikin.

“On the basis of the information the IOC has, postponement has been decided,” Pound said in a phone interview. “The parameters going forward have not been determined, but the Games are not going to start on July 24, that much I know.”

Les USA Today