Óli og Alvi til 13. Trofeu Club Natació Sabadell

Útisetarnir Óli Mortensen og Alvi Hjelm luttaka nú í vikuskiftinum á 13. Trofeu Club Natació Sabadell í Katalonia, við danska felagi teirra, Hovedstadens Svømmeklub.

13. Trofeu Club Natació, Alvi Hjelm eigur myndina
Continue reading Óli og Alvi til 13. Trofeu Club Natació Sabadell

Innbjóðing til SuSvim-stevnu á Tvøroyri 16. mars 2019

Her er innbjóðing til “Suðuroyar Sparikassa stevnu” í svimjihylinum á Tvøroyri, leygardagin hin 16. mars 2019, sum Suðuroyar Svimjifelag skipar fyri. Hetta er svimjistevna fyri okkara yngstu aldursbólkar, 1, 2 og 3.

Signhild og Rókur í eldin eisini leygarkvøldið

Tey Signhild Joensen og Rókur Trygvason royndu seg aftur í gjárkvøldið á 9. Trofeo Città di Milano, har Signhild svam seg til eitt 14. pláss í 50 rygg, og Rókur kom niður ímóti sínari bestu tíð í 50 frí.

  • Signhild 30.78 og nr 14 í 50 rygg – besta tíð er 29.54 frá EM 2018
  • Rókur 1:07.71 og nr 22 í 100 bringu – besta tíð er 1:06.14 frá BSF 2018
  • Rókur 24.76 og nr 34 í 50 frí – besta tíð er 24.44 frá RIG 2019

Signhild 1:05.05 og nr 15 í 100 rygg í Milano

Tey bæði Signhild Joensen og Rókur Trygvason úr Ægir hava aftur í dag roynt seg á 9. Trofeo Città di Milano, har frægasta úrslit var eitt 15. pláss til Signhild.

Tíðirnar eru eitt vet frá teirra bestu í 2019, sum eru Signhild 1:04.76 frá Lissabon í februar, og Rókur ávikavíst 31.01 frá Lissabon í februar og 53.71 frá Reykavík í januar.

Signhild 2:17.62 og nr 8 í 200 rygg í Milano

Tey avgreiddu fyrstu kappingar á 9. Trofeo Città di Milano í dag, har Rókur Trygvason royndi seg í 200 frí og 200 bringu, og Signhild Joensen í 200 rygg, bæði úr Ægir.

Rókur og Signhild á 8° Trofeo Città di Milano

Kappingin er á høgum støði, har í Milano, har til dømis vinnarin í 200 rygg var ungarska Katinka Hosszu, silvurvinnari í hesi grein á OL í Rio í 2016, og á HM í Budapest í 2017.

Sí úrslitalistarnar her á Microplustiming.com

Signhild og Rókur til 9° Trofeo Città di Milano

Tey bæði Signhild Joensen og Rókur Trygvason úr Ægir eru hetta vikuskiftið í Milano í Italia, har tey sum í fjør fara at luttaka á svimjistevnuni “Trofeo Città di Milano”.

Rókur og Signhild á 8° Trofeo Città di Milano
Continue reading Signhild og Rókur til 9° Trofeo Città di Milano

Óli og Alvi kláraðu eisini kravtíð til BSF 2019

Eg gjørdi tíverri eitt mistak, sunnudagin, at yvirsíggja útisetarnar báðar, Óla Mortensen og Alva Hjelm, í sambandi við úttøku til Bergen Swim Festival 2019, hóast at teir vóru rættstundis fráboðaðir at hava klárað kravtíð. Tað vil siga, at har áttu at verið 16 svimjarar úttiknir:

  • Alvi Hjelm (1996), HS
  • Barbara Debes (2000), Ægir
  • Bartal E. Eidesgaard (2003), HS
  • Birita Debes (1995), FLOT
  • Eyðrið Mortensen (2003), HS
  • Johan N. Dam (2002), HS
  • Kristina í Skála (2005), HS
  • Óli Mortensen (1996), HS
  • Rebekka Trygvadóttir (2004), Ægir
  • Rói Bech (2001), SuSvim
  • Rókur Trygvason (2000), Ægir
  • Róland Toftum (1998), SuSvim
  • Sára R. Nysted (2001), SuSvim
  • Signhild Joensen (2000), Ægir
  • Sólvá A. Sigurðsson (2002), Ægir
  • Vár E. Eidesgaard (2001), HS

Teir báðir Óli og Alvi velja tó mest sannlíkt heldur at kappast við danska felagi sínum ‘á heimabana’ á Danish Open 2019, sum er sama vikuskifti sum Bergen Swim Festival 2019. Men orsaka allíkavæl.

Rókur

Úrslit frá SuSvim-stevnuni 23. og 24. februar 2019

Her eru úrslitini frá svimjistevnuni SuSvim Open 2019, sum Suðuroyar Svimjifelag skipaði fyri í Páls Høll í Vági, nú leygardagin og sunnudagin hin 23. og 24. februar 2019. Úrslitini síggjast eisini her á livetiming.se og her á SwimRankings.

Tilsamans vóru tey 97 íðkarar og 18 lið úr 6 feløgum sum kappaðust 601 ferðir í 36 kappingum, hesar báðar dagarnar í Vági.

Continue reading Úrslit frá SuSvim-stevnuni 23. og 24. februar 2019

14 úttikin til Bergen Swim Festival 2019

Undirritað kunngjørdi nú aftaná síðstu kappingar á SuSvim Open 2019 teir 14 svimjararnar sum eru fráboðaðir at hava klárað kravtíð til Bergen Swim Festival 2019.

Tey eru:

  • Barbara Debes (2000), Ægir
  • Bartal E. Eidesgaard (2003), HS
  • Birita Debes (1995), FLOT
  • Eyðrið Mortensen (2003), HS
  • Johan N. Dam (2002), HS
  • Kristina í Skála (2005), HS
  • Rebekka Trygvadóttir (2004), Ægir
  • Rói Bech (2001), SuSvim
  • Rókur Trygvason (2000), Ægir
  • Róland Toftum (1998), SuSvim
  • Sára R. Nysted (2001), SuSvim
  • Signhild Joensen (2000), Ægir
  • Sólvá A. Sigurðsson (2002), Ægir
  • Vár E. Eidesgaard (2001), HS

Starvsnevnd SSF fer nú komandi dagar at viðgera, um hetta er samlaða liðið, ella um onkur kemur afturat.

Starvsnevnd SSF hevur tó longu áðrenn hesa stevnu avgjørt, at Anita R. Nysted verður ferðaleiðari hjá hópinum, og at bjóða teimum høvuðsvenjarum við sum hesir svimjarar umboða.

Hópurin møtist vónandi aftur longu um tvær vikur, til landsliðslegu í Vági. Og tey koma at møtast aftur í Vági eisini í vikuni aftaná Bergen Swim Festival, tá ið vit vónandi hava eina heimsstjørnu við okkum eisini.

Bergen Swim Festival verður 5. til 7. apríl 2019.

Vegna SSF

Rókur