Bloggur

Afturlit: Andrass vann silvur í 1500 frí á Oyggjaleikum 2005

Andrass Thomsen vann 11. juli 2005 silvur í 1500 frí aftanfyri Jonathon Le Noury úr Guernsey og frammanfyri Stuart Black úr Jersey. Gull-, silvur- og bronsutíðirnar vóru ávikavist 16:01.39, 16:21.75 og 16:35.51. Andrass setti føroyskt met, har gamla metið hjá Boga Lemvig var 16:27.93. Silvurmerkið var fyrra av tveimum, sum Andrass vann sum einstaklingur í oyggjaleikahøpi.

Frásøgumenn hjá Kringvarpinum vóru Kaj Joensen, Tórður Mikkelsen og Søren Olsen.

Afturlit: 4x50 frí hjá kvinnum á Oyggjaleikum 2005

Fyri knapt 10 árum síðani, tann 11. juli 2005, vunnu føroysku kvinnurnar gull í 4 x 50 frí á oyggjaleikum í Hetlandi. Føroysku svimjarnir, sum luttóku innleiðandi og í finaluni, vóru Sára Ejdesgaard, Shaila millum Garðarnar, Lisbeth L. Joensen, Elspa Mørkøre, Karina Petersen og Nathalia Reinhardt. Í finaluni settu tær føroyskt met við tíðini 1:52.14, har gamla metið var 1:53.85. Núverandi met á 1:47.15 varð sett av Susvim við m.a. Shaila á liðnum á FM 2013.

Kringvarpið vísti ein samandrátt av finaluni. Frásøgumenn vóru Kaj Joensen, Tórður Mikkelsen og Søren Olsen.

Video: Poula 100 firvald á HM í Barcelona

Poula Øssursdóttir Mohr luttekur her í 100 metra firvaldasvimjing á HM á langgeil í Barcelona. Hon er í hvítari hettu á geil 2, triðnærmast okkum. Tíðin 1:04.58 er nýtt føroyskt met.

Var okkurt galið við eltíðtakingini á geil 2 á FM/JM 2013?

Nú á farna FM/JM 2013 upplivdu vit sum kunnugt fleiri kolldømingar í liðsvimjing, har fólk vóru ósamd um hvat ið hevði gingið fyri seg. Fólk hava víst á at fleiri stafettir vóru kolldømdar fyri ov skjótt skifti á geil 2, og stóri spurningurin er tí um okkurt var galið við eltíðtakingini á hesi eini geilini.

Bartal og eg filmaðu av góðum grundum 4x50 liðsvimjingina hjá FLOT, av tí at dóttur mín svam við, og vit hava tí video bæði frá síðuni og uppifrá av hesi kolldømingini. Gevið gætur at svimjarin skal ikki bara nerta við plátuna, men eisini trýsta nóg hart til at 'trýsta á kontaktina'. Og at vit sum meginreglu ikki brúka videoprógv í svimjing.

FLOT er sum nevnt á geil 2, næstlongst burtur frá okkum

Serliga uppifrá virkar tað sum um at 'kontaktin' var í so trek. Leggið til merkis hvussu leingi hondin er á vegginum áðrenn føturnar hjá næsta svimjara fara av startblokkinum, og áðrenn nøkur nýggj tíð kemur á talvuna har uppi í horninum. Og minnist aftur til at vit flest kenna til slíkar trupulleikar vegna slitnar plátur, har sláast má hart á pláturnar til at fáa kontaktina at rigga. Spurningurin er meira, um hetta ikki var nóg hart til at plátan burdi reagerað.

Nú er FLOT næst-nærmast okkum (eg síggist við kamera har niðri á gólvinum, hinumegin)

Stafettir dømdar fyri tjóvstart í skifti á geil 2

  • FLOT gentur 4x100 frí
  • Ægir menn 4x100 blandað
  • FLOT gentur 4x50 frí
  • Ægir kvinnur 4x50 frí

Føðingardagar á FM/JM 2013

Tey eru tvey sum fylla hendan fyrsta dag á FM/JM 2013, bæði úr Havnar Svimjifelag. Av eini og hvørjari orsøk velur YouTube ikki at ávara um copyright, hóast okkara frálíka sang.

FM pallurin verður bygdur

Bara ein roynd við GoPro og 'time lapse' funkuni í Picasa. Myndir inntil myndatólið ikki hevði meira battarí. Bartal valdi tónleikin.

Breiddin og elitan fylgjast at

Føroysk svimjing hevur seinastu árini víst stóra framgongd við flottum úrslitum her heima og úti í heimi. Serliga hava úrmælingarnir, við Pál Joensen á odda, verið ímyndin av framgongdini. Men hvussu stendur til við breiddini? Er vandi fyri at breiddin dettur í millum, tá úrmælingarnir strúka avstað?

DSC_6716

Eitt glimt av Páli á Flanders Speedo Cup

Belgiska lokalrásin De Antwerpse Televisie (atv) hevur lagt hesa video út á YouTube, har vit umleið frá 0:41 rættiliga vist síggja Pál Joensen á geil 5, í finaluni í 200 frí har hann gjørdist nummar 5. Riðlaúrslitið sæst her.

Gott nýggjár

Hetta árið 2012 gekk av sonnum bæði upp og niður, og næsta árið verður óivað eisini avbjóðandi. Men vit vóna tað besta, vit her á heimasíðuni ætla í øllum førum at gera okkara til, at svimjiáhugaðir føroyingar fáa møguleika at fylgja við :-)

Gott nýggjár 2012

Bjóða út innihald