Ryan Lochte fær 10 mánaðar bann fyri rokið í Rio

Amerikansku miðlarnir TMZ og USA Today siga seg vita, at Ryan Lochte fer at fáa 10 mánaðar bann frá allari svimjing, íroknað HM á stuttgeil nú í desember, og HM á langgeil í Budapest komandi summar. Hetta skal vera bann frá altjóða olympisku nevndini IOC, amerikansku olympisku nevndini USOC og amerikanska svimjisambandinum USA Swimming.

Continue reading Ryan Lochte fær 10 mánaðar bann fyri rokið í Rio

Beinleiðis stroyming frá Paralympisku Leikunum í Rio

So er tað í dag kl 22:15 føroyska tíð, at setanarhátíðin til Paralympisku Leikir 2016 byrjar, í Rio de Janeiro. Og tað fer at bera væl við at fylgja við føroysku Kristu Mørkøre og restini, tí IPC hevur valt at stroyma meira ella minni alt beinleiðis á síni DailyMotion rás, umframt á YouTube, íroknað setanar- og endahátíð, og alla svimjistevnuna.

Continue reading Beinleiðis stroyming frá Paralympisku Leikunum í Rio

Myndir frá havsvimjingini í Fuglafirði í dag

Fuglafjarðar Svimjifelag skipaði í dag fyri havsvimjing í Fuglafirði, sum partur av Mentanardøgunum 2016 har norðuri. Tíðirnar og tað kemur seinni dag, men her eru so nakrar myndir. Continue reading Myndir frá havsvimjingini í Fuglafirði í dag

Kravtíðir til HM í Budapest í 2017

Starvsnevnd SSF hevur ásett viðfestu kravtíðir til HM á langgeil 2017, sum verður í Budapest í Ungarn frá 23. til 30. juli 2017. Sjálvar kravtíðirnar eru fyri so vítt tær somu sum tær ið FINA hevur ásett, tó av praktiskum orsøkum við kravtíðarskeiði sum endar eitt sindur fyrri enn tað hjá FINA. Kravtíðirnar síggjast eisini her á ssf.fo.

Vladimir Morozov 50.30 og nýtt heimsmet í 100 blandað

Russiski Vladimir Morozov betraði í gjár um sítt heimsmet í 100 metra blandaðari svimjing, tá ið hann á World Cup stevnuni í Berlin svam teinin uppá 50.30 sekund. Hann átti heimsmetið á 50.60, frá World Cup stevnuni í París-Chartres, farna vikuskifti.

Kravtíðir til NJM, NM og HMS 2016

Starvsnevnd SSF hevur ásett kravtíðir til NJM, NM og HMS 2016, sum lýst í viðfesta skrivi. Norðurlendska Meistarastevnan og JuniorMeistarastevnan verður í Kolding í Danmark frá 9. til 11. desember 2016, meðan HeimsMeistastevnan á Stuttgeil er í Windsor í Kanada frá 6. til 11. desember.

Kravtíðirnar síggjast eisini her á ssf.fo.

Image courtesy of Owolter, CC BY 3.0
Image courtesy of Owolter, CC BY 3.0

Europa Cup í Keypmannahavn er ein óslípaður diamantur, segði Hestoy vegna LEN

Jon Hestoy hevði so avgjørt tey føgru orðini frammi, tá ið hann í morgun vegna evropeiska svimjisambandið LEN setti Keypmannahavnar-partin av Europa Cup stevnuni í open water svimjing, saman við umboðum frá Sport Event Danmark og Dansk Svømmeunion.

– Det er helt symbolsk, at vi står her ved Den Sorte Diamant. Europa Cuppen her i København er helt klart en usleben diamant med masser af potentiale til meget mere. Det tager tid at etablere sig som event, og det er utvetydigt en kæmpe fordel, at cuppen ligger i forbindelse med motionsarrangementet Christiansborg Rundt. Vi arbejder på en ny struktur for netop vores Europa Cup. Vi ønsker alt det, som København har: I hjertet af en storby, i forbindelse med et motionsarrangement med top professionel afvikling og i det skønneste vejr, siger Jon Hestoy, som er teknisk delegeret fra det europæiske svømmeforbund, LEN.

Lesið her á svoem.dk

Image courtesy of Jesper Westley / Dansk Svømmeunion
Image courtesy of Jesper Westley / Dansk Svømmeunion