LÍV stuðlar lívbjargingini

Svimjisamband Føroya og LÍV skrivaðu í dag undir eina tvey ára stuðulsavtalu í sambandi við átakið “Eingin svimjing uttan lívbjargara”

Hetta til at styrkja um átakið, sum Svimjisambandið sjósetti í 2009, og sum síðani er bygt upp við stuðli og undirtøku frá svimjifeløgum, svimjihallum, skúlum kring landið umframt øðrum stovnum og kommunum.

Continue reading LÍV stuðlar lívbjargingini

OL-gullvinnari á venjingarlegu í Vági

Litavska svimjistjørnan, Rūta Meilutytė, sum er OL-gullvinnari frá London og hevur heimsmet í 50 m. bringu, og í 100 m. bringu á bæði langgeil og stuttgeil, kom í gjár til Vágs, har hon komandi vikurnar skal verða á venjingarlegu í Páls Høll.

Continue reading OL-gullvinnari á venjingarlegu í Vági

15% avsláttur til Evropameistarastevnuna 2017

EM á stuttgeil verður sum kunnugt í Keypmannahavn í ár, frá 13. til 17. desember 2017. Donsku vertirnir bjóða í hesum sambandi nú øllum føroyskum fjepparum 15% í avsláttri uppá atgongumerki til stevnuna, um keypt verður frá í dag av og fram til 30. juni. Fyriskipararnir heilsa at tey vóna at vit gera nýtslu av hesum tilboði, so at eisini okkara góðu svimjarar fáa best møguligan stuðul.

http://bit.ly/2rTxAdj, og minnist til at dáma facebook.com/euroswim2017, til at kunna fylgja við í #EuroSwim2017

Ægir-kvinnur 4:03.56 og føroyskt met í 4×100 frí

Ægir-kvinnur settu í dag nýtt føroyskt met í 4×100 metra frísvimjing, tá ið tær á triðja degi av FøroyaMeistarastevnuni á langgeil 2017 svumu teinin uppá 4:03.56. HS-kvinnur áttu metið á 4:04.84, frá FM á langgeil í fjør. Tær sum svumu nú fyri Ægir, vóru Signhild Joensen, Jana B. Thomsen, Barbara Debes og Ásbjørg Hjelm.

Ásbjørg 34.45 og føroyskt met í 50 bringu

Ásbjørg Hjelm úr Ægir setti í dag nýtt føroyskt met í 50 metra bringusvimjing, tá ið hon á triðja degi av FM á langgeil 2017 svam teinin uppá 34.45 sekund. Ásbjørg átti sjálv metið á 34.61, frá Reykjavík International Games í 2015, sum hon síðani svam ájavnt við eisini á Evropeisku JuniorMeistarastevnuni í Ungarn í 2016.

HS-menn 8:08.47 og føroyskt met í 4×200 frí

Annar dagur á FM á langgeil 2017 endaði við einum braki, tá ið HS-menn settu nýtt føroyskt met í 4×200 metra frísvimjing, við tíðini 8:08.47

HS-menn áttu metið á 8:11.63, frá FM á langgeil í fjør, og tíðin var hartil næstan 1 sekund skjótari enn landsliðsmetið, sum er 8:09.41, frá NMU 2012.

Teir sum svumu nú vóru Niels Nattestad (1998), Johan N. Dam (2002), Marius I. Gardshodn (1998) og Óli Mortensen (1996).

Heiðursmerkjabýti á FM á langgeil 2017

Her telja vit upp heiðursmerki vunnin á FøroyaMeistarastevnuni á langgeil 2017. Endaliga úrslitið varð at Havnar Svimjifelag gjørdist mest vinnandi felag, við Vár E. Eidesgaard og Óli Mortensen, bæði úr HS, sum mest vinnandi einstaklingar.

Heiðursmerkjabýti millum feløg tilsamans

Felag Gull Silvur Bronsa
HS 16 20 13
SuSvim 13 9 14
Ægir 11 9 19
FLOT  1 1
Reysti  1 1

Continue reading Heiðursmerkjabýti á FM á langgeil 2017

Hægstu FINA-stig á FM á langgeil 2017

Her lista vit upp hægstu FINA stig rokkin á FøroyaMeistarastevnuni á langgeil 2017. Listin broytist neyðturviliga so hvørt sum kappingar koma afturat

  • Signhild Joensen (2000), Ægir 2:15.38 og 769 FINA í 100 rygg
  • Signhild Joensen (2000), Ægir 1:03.78 og 756 FINA í 100 rygg
  • Óli Mortensen (1996), HS 4:03.03 og 742 FINA í 400 frí
  • Signhild Joensen (2000), Ægir 30.07 og 728 FINA í 50 rygg
  • Óli Mortensen (1996), HS 16:13.42 og 716 FINA í 1500 frí
  • Sára R. Nysted (2001), SuSvim 1:05.72 og 691 FINA í 100 rygg
  • Sára R. Nysted (2001), SuSvim 2:22.68 og 690 FINA í 200 blandað
  • Róland Toftum (1998), SuSvim 29.94 og 687 FINA í 50 bringu
  • Vár E. Eidesgaard (2001), SuSvim 59.17 og 681 FINA í 100 frí
  • Róland Toftum (1998), SuSvim 2:25.16 og 669 FINA í 200 bringu
  • Óli Mortensen (1996), HS 4:10.48 og 678 FINA í 400 frí
  • Vár E. Eidesgaard (2001), HS 2:09.22 og 668 FINA í 200 frí
  • Sára R. Nysted (2001), SuSvim 5:04.67 og 668 FINA í 400 blandað
  • Vár E. Eidesgaard (2001), HS 27.27 og 658 FINA í 50 frí

Føroysk met og juniormet á FM á langgeil 2017

Tilsamans 5 føroyskt met og 2 føroysk juniormet vórðu sett á FøroyaMeistarastevnuni á langeil 2017. Her listað í tíðarrað:

Dagur 1

Dagur 2

Dagur 3