Útlit til føroysk heiðursmerki á DM á stuttgeil 2016

Danir skipa 17. til 20. november fyri árligu donsku meistarastevnuni á stuttgeil, har eisini føroyingar fara at luttaka. Og tað sær bara heilt gott út, sambært startlistanum. Continue reading Útlit til føroysk heiðursmerki á DM á stuttgeil 2016

Innbjóðing til HS-stevnu 19. – 20. november 2016

Her er innbjóðing til svimjistevnu í Gundadali, leygardagin 19. og sunnudagin 20. november 2016, sum Havnar Svimjifelag skipar fyri. Hetta er síðsta stevna har kravtíð kann klárast til HM á stuttgeil og NM/NJM í vetur, og hartil næsta stevna av fýra har kravtíð kann klárast til Oyggjaleikir 2017.

Pál 3:51.92 og nr 5 í superfinaluni á North Sea Swim Meet 2016

Pál Joensen varð í gjár nr 5 í superfinaluni í 400 metra frísvimjing á North Sea Swim Meet 2016, við tíðini 3:51.92 aftanfyri týska Florian Wellbrock á 3:49.02, italska Alex di Giorgio á 3:49.46, norska Erik Årsland Gidskehaug á 3:49.82 og rumenska Alexandru Artimon á 3:50.10. Hetta aftaná um morgunin at hava vunnið silvur í kappingini fyri árgang 1997 og eldri, við tíðini 3:52.97.

Continue reading Pál 3:51.92 og nr 5 í superfinaluni á North Sea Swim Meet 2016

Yvirdómaraskeið í Tórshavn

Hetta vikuskiftið er yvirdómaraskeið í Havn, har onkur snøkil fæst uppá pláss hjá teimum sum tóku yvirdómaraútbúgving í apríl 2015, umframt at tey saman leggja til rættis okkara egnu dómaraútbúgving. Á skeiði eru Annika Næs Johannesen, Thurid Kjærbo, Katja Keles og Rúni Gaardbo, umframt Elin Matras og Dann Hjelm sum tóku yvirdómaraútbúgving í 2006. Skeiðsleiðari er Svend Sander úr DGI, og fyriskipari Dann Hjelm vegna SSF.

yvirdomaraskeid-2016
Yvirdómaraskeið í Tórshavn 4. – 6. november 2016. Dann Hjelm eigur myndina.

Pál víðari til finalu í 400 frí á North Sea Swim Meet 2016

Tey hava avgreitt innleiðandi riðlar á North Sea Swim Meet í morgun, har Pál Joensen svam seg víðari við næstbestu tíð í 400 frí, 3:52.97 aftanfyri italska Alex di Giorgio á 3:51.29. Ja, hetta er vælsagtans sami Alex di Giorgio, sum vann silvur aftanfyri Pál í 400 frí á EJM 2008 í Beograd. Erik Årsland Gidskehaug og Florian Wellbrock verða eisini í finaluni seinnapartin, sum vunnu gull og silvur í 1500 frí í gjár.

Image courtesy of the North Sea Swim Meet

Rok í brasilska svimjisambandinum

Forsetin og varaforsetin í brasilska svimjisambandinum vórðu herfyri koyrdir frá, saman við øðrum mistonktum, sum partur av eini kanning av møguligum fíggjarundandrátti og sviki við almennum pengum. Og nú hevur brasilska svimjisambandið so mikið trupult við at handfara sínar bankakontur og líknandi, at tey noyðast at útseta brasilsku meistarastevnurnar í svimjing, havsvimjing, vippulopi, vatnpolo og synkronsvimjing. Lesið Inside the Games

Pál 15:19.65 og bronsu í 1500 frí á North Sea Swim Meet 2016

Pál Joensen kappaðist í dag á North Sea Swim Meet í Stavanger, og vann har bronsu við tíðini 15:19.65, aftanfyri týska Florian Wellbrock á 14:54.45 og norska Erik Årsland Gidskehaug á 14:56.18.

Continue reading Pál 15:19.65 og bronsu í 1500 frí á North Sea Swim Meet 2016

Pál til North Sea Swim Meet 2016

Pál Joensen fer nú í vikuskiftinum at kappast á North Sea Swim Meet 2016 í Stavanger, við góðum kjansi at vinna heiðursmerki í 400 og 1500 metra frí. Sí startlistan her. Norðmenn fara at stroyma beinleiðis her á Livestream.com, og hartil er live timing her á medley.no. Sí eisini northseaswimmeet.com

Continue reading Pál til North Sea Swim Meet 2016