Brellbiti – EM á stuttgeil 2017 í Keypmannahavn

Danmark fer í desember 2017 at hýsa EM á stuttgeil 2017, í spildurnýggju Royal Arena multihøllini í Keypmannahavn. Hetta verður fyrsta ítróttarstevna í hesi høll, og eini sjálvsøgd orsøk hjá eisini føroyingum at feira svimjing.

Hestoy til Patagonia at tryggja World Cup stevnu fyri FINA

Jon Hestoy er í hesum døgum í Patagonia í Suður-Argentina, sum umboð fyri teknisku Open Water nevnd FINA, á fyrstu stevnu í røðini av World Cup stevnum í sjósvimjing. Tey skulu svimja 10 km í Río Negro millum Carmen de Patagones og Viedma, ein teinur sum eisini verður kallaður fyri maraton í FINA-høpi.

Kappingin er í morgin, leygardagin hin 4. februar 2017, og verður stroymað her:

Live Broadcast

Sí eisini lapatagonesviedma.com. Tey byrja sambært skránni hjá FINA kl 14:00 lokala tíð, sum er kl 17:00 her í Føroyum.

Her er ein video frá stevnuni í fjør

 

Innbjóðing til Ægir-stevnu 11. og 12. februar 2017

Her er innbjóðing til svimjistevnu í Klaksvíkar Svimjihøll leygardagin 11. og sunnudagin 12. februar 2017, sum Ægir skipar fyri. Hetta er opin stevna fyri allar aldursbólkar, og samstundis næstseinasti kjansur at klára kravtíð til Oyggjaleikir 2017.

Frans og Alvi gull og bronsu í 200 frí á Lyngby Open 2017

Frans Johannesen vann yvirbevísandi 200 metra frísvimjing á langgeil, tá ið tann greinin varð avgreidd nú í dag, við tíðini 1:55.49 har Þröstur Bjarnason úr Íslandi varð nr 2 við 1:59.45 og Alvi Hjelm nr 3 við 2:00.43. Besta tíð hjá Alva er 1:56.94 í hesi grein, meðan Frans hevur svomið 1:46.18.

Úrslit frá SuSvim-stevnuni 14. og 15. januar 2017

Her eru úrslitalistarnir frá svimjistevnuni í Páls Høll í Vági nú leygardagin 14. og sunnudagin 15. januar 2017, sum Suðuroyar Svimjifelag skipaði fyri. Sum skilst ein góð stevna, har hæddarpunktini vóru føroyska metið hjá Sáru R. Nysted í 200 firvald, og Vár E. Eidesgaard ájavnt við føroyska juniormetið í 50 firvald.

stevna-i-palsholl

Vár 29.23 og ájavnt við føroyska juniormetið í 50 firvald

Vár Erlingsdóttir Eidesgaard tangeraði í dag føroyska juniormetið í 50 metra firvaldasvimjing á langgeil, tá ið hon á SuSvim-stevnuni í Páls Høll í Vági svam teinin uppá 29.23 sekund. Tær eru tí tvær sum nú verða uppskrivaðar til at eiga juniormetið í 50 firvald: Vár úr Havnar Svimjifelag nú á stevnu í Vági, og Kristina Elin Thomsen úr Suðuroyar Svimjifelag fyri at hava svomið eisini 29.23 á Norðurlendsku Meistarastevnuni fyri Ung í 2012.

var-eidesgaard