Djóni og Sørin fingu handað ILS-flaggið í Durban

Teir báðir Djóni Dalsgarð og Sørin S. Djurhuus eru komnir fram til Durban í Suðurafrika, har altjóða lívbjargingarsambandið ILS í gjár og í dag skipa fyri ársfundi, og frá í morgin fram til og við hósdagin fyri altjóða ráðstevnu um fyribyrging av druknivanlukkum.

Á myndunum niðanfyri eru tað ILS-forsetin Graham Ford og ILSE-forsetin Detlev Mohr sum handað ILS-flaggið til SSF-aðalskriva Djóna Dalsgarð og SSF-nevnarlim Sørin S. Djurhuus, í sambandi við at Svimjisamband Føroya nú er limur í eisini hesum felagsskapum.

Kristiina Heinonen úr Finnlandi eigur myndirnar.

Óli gull eisini í 800 frí á Øst Kortbane 2019

Óli Mortensen vann í gjár gull í eisini 800 metra frísvimjing á
á eystaru donsku økismeistarastevnuni á stuttgeil, tá ið hann í Gladsaxe svam teinin uppá 8:05.60. Hetta afturat at fríggjadagin hava vunnið gull í 400 frí, og leygardagin silvur í 1500 frí, umframt saman við besta liðnum hjá Kvik Kastrup hat hava vunnið silvur í 4×200 frí.

úrslitalistarnar her

Óli 3:53.93 og gull í 400 frí á Øst Kortbane 2019

Óli Mortensen vann sær í dag gull á eystaru donsku økismeistarastevnuni á stuttgeil, tá ið hann á hesi stevnu í Gladsaxe svam skjótast av øllum, 3:53.93 í 400 frí. Hetta var eisini skjótari enn skjótasta tíð í vestaru útgávuni, har Andreas Hansen svam skjótast við 3:54.70.

Sørin og Djóni á norðurlendskum ársfundi í Svøríki

Teir báðir Sørin S. Djurhuus og Djóni Dalsgarð luttaka í hesum døgum vegna Svimjisamband Føroya á ársfundinum hjá norðurlendska lívbjargingarfelagsskapinum “the Nordic Lifesaving Group (NLG)”, sum er í Stokkhólmi í Svøríki.


Djoni talar á NLG-fundinum 2019. Sørin S. Djurhuus eigur myndina
Continue reading Sørin og Djóni á norðurlendskum ársfundi í Svøríki

Innbjóðing til WinGrodan-skeið 26. okt. 2019

Her er innbjóðing til skeið í stevnuforritinum WinGrodan, sum Svimjisambandið ætlar at skipa fyri í ÍSF-høllini í Tórshavn, leygardagin hin 26. oktober 2019.

Áhugaði kunnu melda til við oyðublaðnum her

Við svimjikvøðu

SSF