Jeanette Ottesen úr ISL-bobluni til at kunna vera saman við dóttrini

Hetta veit SwimSwam at siga – Upprunaliga var ætlanin at Jeanette Ottesen skuldi kunna vera saman við dóttrini og manninum í ISL-bobluni í Budapest; men av tí at har er vøkstur av koronasmittu i Budapest, so hava tey verið noydd at minka um bobluna.

View this post on Instagram

Today’s a new day ‼️ LET’S GO @nybreakers 🦏

A post shared by Jeanette Ottesen (@jeanetteottesens) on

10 italskir landsliðssvimjarar afturat smittaðir við korona

Italska svimjisambandið kunngjørdi í dag her á heimasíðu síni, at 10 italskir landsliðssvimjarar eru testaðir positiv fyri koronasmittu, íroknað Gabriele Detti sum vann HM-gull í 800 frí í Budapest í 2017, og Simona Quadarella sum vann HM-gull í 1500 frí í Gwangju í 2019. Lesið her á SwimSwam

(Ná ja, ‘afturat’ var tí at Pellegrini herfyri kunngjørdi at hon var koronasjúk)

Kann svimjing í køldum vatni mótvirka demens?

Granskarar á universitetinum í Cambridge hava funnið eitt ‘kulda-sjokk-protein’ í blóðinum hjá svimjarum sum regluliga svimja í køldum vatni, ið tey hava staðfest kann seinka demens í mýsum, og enntá umvæla nakað at skaðanum sum hesar mýsnar hava fingið vegna demens. Lesið her á BBC

Tómir hyljar í Reykjavík

Ein sera flott video her, av svimjihyljunum í Reykjavík sum nú standa tómir. Sí mbl.is

Allir svimjihyljar hava verið stongdir í tvær vikur í íslendska høvðsstaðarøkinum, síðani hin 7. oktober 2020, vegna støðuna við koronu.

Tað er Reykjavík, Hafnarfjørður, Kópavágur, Mosfellsbær og Garðabær.

Continue reading Tómir hyljar í Reykjavík

Týska meistarastevnan avlýst vegna korona

Týska svimjisambandið ætlaði at hava sína meistarastevnu (á langgeil) í Berlin frá 29. oktober til 1. november 2020, men kunngjørdi so í gjár at hon má avlýsast, vegna støðuna við korona. Hon skuldi annars verða eitt tekin um nýggja byrjan, og ein afturvendan til soleiðis sum tað plagar at vera; men verður nú ikki hildin at vera ráðilig hóast leiðreglur frá sambandinum um frástøðu og reinføri osfr.

Pellegrini koronasjúk, avlýsir ISL-luttøku í Budapest

Italska svimjidrotningin Federica Pellegrini kunngjørdi í gjárkvøldið, at hon er testað positiv fyri COVID-19, og at hon tí ikki kann ferðast við liði sínum til ISL-stevnuna í Budapest. Hon kendi seg illa aftaná venjing mikudagin, við pínu umframt at hon hevði eyman háls, og fór tí at testa seg.

Les t.d. Swimming World

Kristof Milak ikki klárur til ISL, veikur av koronasjúku

Ungarski Kristof Milak tók heimsmetið frá Michael Phelps í 200 firvald á HM í fjør, og skuldi eftir røttum luttikið í stevnurøðini hjá International Swimming League í Budapest sum byrjar nú í vikuskiftinum – men er enn so veikur aftaná koronasjúku í september, at hann ikki ein gang kann venja enn.

The 20-year-old, who crushed Michael Phelps’ 200 fly world record en-route to gold at the World Championships in Gwangju in July 2019, was diagnosed with coronavirus at the end of September, according to Hungarian media.

His coach Attila Selmeci told InfoRadio that Milak had been “feverish and weakened” and was so fatigued he did not leave his apartment for 10 days.

So too had he been mentally worn out by quarantine and lost a significant amount of muscle.

Les Swimming World

Alheims svimjistjørnur á veg til Budapest at kappast í 4½ viku

Nógvir av heimsins bestu svimjarar eru í hesum døgum á veg til Budapest í Ungarn, at royna seg í 2020-útgávuni av stevnurøðini hjá International Swimming League. Upprunaliga ætlanin var, at kappingarnar skuldu verða runt um í heiminum; men vegna korona er tað nú í staðin alt á sama stað, í isolatión á Margit-oynni í Budapest.

Tey eru einir 320 svimjarar umframt venjarar, dómarar og hjálparfólk afturat teimum, og hetta er tí eisini eitt rættiliga stórt sats hjá teimum og hesum privata felagsskapi, at royna hetta í koronatíð í árinum uppundir Olympisku Leikir.

Tað hevur heldur ikki verið púra uttan svørðslag, tí m.a. fingu australiarar meira ella minni forboð ímóti at fara, so at fleiri settust aftur og ISL ákærdi lond fyri at kroysta sínar íðkarar, meðan niðurlendska Femke Heemskerk og italska Stefania Pirozzi máttu setast aftur nú uppundir fráferð, tí tær høvdu testað positivt fyri korona.

building near body of water
Photo by Dominika Gregušová on Pexels.com

Fleiri onnur stórnøvn hava valt at melda frá eisini, men nú eru tey so restin umframt nøkur nýggj afturat sum ferðast til at búgva kappast í eini boblu á Margit-oynni, hendan næstan mánaðin.

Her sæst hvar hendan stevnurøðin kann síggjast, í Evropea á Eurosport

Her niðanfyri er tað amerikanski sprintarin Michael Andrew sum vloggar frá ferðini hjá sær frá Los Angeles til Budapest

Innbjóðing til Ægir Open 31. oktober og 1. november 2020

Her er innbjóðing til svimjistevnu í Klaksvíkar Svimjihøll hin 31. oktober og 1. november 2020, sum Ægir skipar fyri.

Fyrivarni verður tikið fyri møguligum broytingum í støðuni viðv. Corona og harvið eisini tilmælunum hjá SSF og Coronarágevingini.

Innbjóðing til FM og JM á stuttgeil 2020

Her er innbjóðing til Føroyameistarastevnuna og Juniormeistarastevnuna á stuttgeil 2020, sum Svimjisamband Føroya skipar fyri í Svimjihøllini í Gundadal hin 13. til 15. november 2020.

Stevnan er sjálvsagt treytað av serliga, at koronastøðan loyvir tí.

Vegna Svimjisamband Føroya

Rókur