Innbjóðing til HS-stevnu í Havn hin 7. og 8. september 2019

Frá Havnar Svimjifelag:

Av tí at løgtingsval er útskrivað at vera tann 31. august, sama leygardag, sum fyrsta stevna í sesongini eftir ætlan skuldi byrja í Havn, er avgjørt, við undirtøku frá øllum feløgum og í samráð við starvsnevndina í SSF, at útseta ta fyrstu stevnuna til vikuskiftið 7.-8. sep.

Sí viðfestu innbjóðing:

Cecilia skjótast á Sjómannadegnum

Ægir skipaði í dag fyri svimjing um vánna í Klaksvík, sum partur av Sjómannadegnum 2019. Skjótast av øllum var Cecilia Eysturdal, sum vit kenna frá kappsvimjing í svimjihyli og eisini uttanlanda havsvimjing, har hon til dømis hevur vunnið heiðursmerki á Norðurlendsku Meistarastevnuni.

Continue reading Cecilia skjótast á Sjómannadegnum

Danska NTC umskipað til samstarv við A6 og Herlev Svømning

Danska svimjisambandið fráboðaði nú fyrrapartin at tey hava gjørt samstarvsavtalu við svimjifeløgini A6 og Herlev Svømning, um virksemið hjá ‘det Nationale Træningscenter’ (NTC) fram til Olympisku Leikir 2020 í Tokyo.

Continue reading Danska NTC umskipað til samstarv við A6 og Herlev Svømning

Signhild 2:19.20 í 200 rygg á World Cup í Tokyo

Signhild Joensen royndi seg í nátt í 200 metra ryggsvimjing á World Cup 2019 stevnuni í Tokyo, og svam har teinin uppá 2:19.20. Hon eigur føroyska metið á 2:14.01 frá Danish Open í 2017, og er besta tíð hjá henni í ár 2:16.42 frá Bergen Swim Festival 2019. Sí úrslitalistan her.

Signhild 1:04.14 í 100 rygg á World Cup í Tokyo

Signhild Joensen royndi seg í aftur í nátt á World Cup stevnuni í Tokyo, og svam seg har til 1:04.14 í 100 metra ryggsvimjing. Tað er umleið sama tíð sum hennara 1:04.04 á HM í Gwangju, har besta tíð hjá henni annars er føroyska metið á 1:03.01 frá Bergen Swim Festival í 2018 og 2019. Sí úrslitalistan her.

Stoyping av druknaðari kvinnu gjørdist ‘mest mussaða andlit í søguni’

Ein óhugnalig men tó áhugaverd søga: Andlitið á lívbjargingardukkum er ofta stoyping av tí hjá eini ókendaðari ungari kvinnu sum druknaði í París í 1880-unum. Hon var so vøkur at patologurin valdi at gera eina stoyping av andlitinum, sum varð víðakend og avritað ótalligar ferðir, eisini tá fyrstu framleiðarar av lívbjargingardukkum skuldu brúka eina til “Resusci Anne” (sum vit í SSF kenna sum Mini Anne). Og tí handan morbida viðmerking sum eg ikki sjálvur havi funnið uppá, at hendan “L’Inconnue de la Seine” eigur ‘mest mussaða andlit í søguni‘.

Signhild 30.27 í 50 rygg á World Cup í Tokyo

Signhild Joensen royndi seg í nátt á World Cup stevnu í Tokyo, og svam har 50 rygg í tíðini 30.27 sekund. Besta tíð hjá henni nakrantíð er føroyska metið á 29.54 sekund frá EM í Glasgow í 2018, meðan besta tíð í ár er 29.74 frá Bergen Swim Festival 2019. Sí úrslitalistan her.

Føroysk svimjiúrslit á EYOF 2019 í Baku

European Youth Olympic Festival endaði sum kunnugt nú í vikuskiftinum, har eisini føroyskir svimjarar royndu seg. Her niðanfyri lista vit upp svimjiúrslitini hjá føroyingunum.

Føroyskir svimjarar á EYOF 2019. Finnbjørg Nattestad eigur myndina
Continue reading Føroysk svimjiúrslit á EYOF 2019 í Baku