Arkiv

Oktober 22nd, 2014

HS juniorar 8:10.37 og nýtt juniormet í 4x200 frí

HS juniorar settu herfyri stórt nýtt føroyskt juniormet í 4x200 metra frísvimjing, tá ið teir á á Ægir-stevnuni hin 4. oktober 2014 svumu teinin uppá 8:10.37, har metið hjá Ægir frá 2010 var 8:23.62. Teir fýra sum svumu nú vóru Óli Mortensen (1996), Marius Gardshodn (1998), Niels Nattestad (1998) og Birni Sigvardsen (1999), allir úr Havnar Svimjifelag.

(Tilvildarlig mynd frá Ægir-stevnuni í oktober 2014)

Oktober 21st

3-2 hin 20. oktober 2014 um EJM 2015

Brot úr ítróttarsendingini 3-2 hjá Kringvarpi Føroya hin 20. oktober 2014, har tosað verður undirritaða um serliga støðuna nú SSF ikki sleppur at luttaka á EJM 2015 í Baku. Sendingin sæst í fullari longd her á kvf.fo

Oktober 19th

Formansskifti í SSF

Frágreiðing vegna Svimjisamband Føroya

Svimjisamband Føroya hevði sín árliga aðalfund í gjár, har millum annað formansval var á skránni. Eisini var ta stórmál á skránni, at Føroyar sum er ikki sleppa at luttaka undir egnum flaggi á næstkomandi Evropeisku JuniorMeistarastevnu.

(Rókur í Jákupsstovu og Jon Hestoy. Símun á Høvdanum tók myndina)

Oktober 17th

Frans og Alvi millum favorittarnar á VKM 2014

Eisini á Vestdanske Kortbanemesterskaber verður føroysk luttøka, tá ið hesar báðar økisstevnur Øst- og Vest- verða avgreiddar 24. til 26. oktober 2014. Startlistarnir síggjast her, har vit millum annað síggja at Frans Johannesen og Alvi Hjelm eru millum favorittarnar at taka heiðursmerki.

Oktober 16th

Cecilie Johannesen vísir fram SwimTag í AdO Arena

'Fagre nye verden' - Norski landsliðssvimjarin Cecilie Johannesen vísir her fram sítt SwimTag armband, sum ger tað lættari hjá svimjarum í nýggja AdO Arena í Bergen at føra dagbók. Akkurát hendan loysnin krevur at høllin hevur serliga útgerð, men tað finnast eisini ur í dag sum rættiliga beinrakið kunnu telja metrar í ymisku svimjigreinunum og líknandi.

 

Oktober 14th

Craig Lord úr FINA í protest um at Putin verður heiðraður

Ein áhugaverd grein her á SwimVortex, har tann innan svimjing rættiliga kendi journalisturin Craig Lord greiðir frá, hví hann nú hevur meldað seg úr pressunevndini hjá FINA.

Greinin er lang og til tíðir torskild, men orsøkin er týðiligvís avgerðin hjá FINA herfyri at heiðra russiska forsetanum Vladimir Putin við sokallaða "FINA Order".

Craig Lord hevði eisini eina áhugaverda grein á SwimVortex í gjár, har hann endurgevur týska politikaran Frank Steffel fyri í Ríkisdegnum at hava kallað avgerðina hjá FINA "a tasteless provocation".

Avgerðin hjá FINA verður sum heild illa móttikin, vegna støðuna í Ukraine, í Russlandi og so kanska serliga fyri svimjing, at so nógvir russiskir svimjarar hava dopingkarantenu beint nú.

Oktober 13th

Magnus og Pál millum favorittarnar á ØKM 2014

Kastrup Svømmehal verður 24. - 26. oktober karmur um Østdanske Kortbanemesterskaber 2014, sum er ein av tveimum økismeistarastevnum hjá dønum áðrenn Danmarks Mesterskaberne på Kortbane hin 20. - 23. november 2014.

Magnus Jákupsson og Pál Joensen eru ikki óvæntað millum favorittarnar at taka gull í sínum sergreinum - Magnus við bestu tilmeldingartíð í 50, 100 og 200 rygg, 50 og 100 firvald, og 100 blandað, og Pál við bestu tilmeldingartíð í 400 og 1500 frí.

Oktober 11th

Innbjóðing til Reysta stevnu í Leirvík, leygardagin 25. oktober 2014

Svimjifelagið Reysti bjóðar til svimjistevnu leygardagin hin 25. oktober 2014, í svimjihøllini í Leirvíkar Skúla. Kappingin er fyri 2 og 3 gentur, og 3 og 4 dreingir, ella børn fødd í 2002 og seinni.

Tey yngru byrja við upphiting kl 12:45 og kapping kl 13:30, og tey eldru so tá ið tey yngru eru liðug. Tað burdi tikið umleið 2 tímar fyri hvønn bólkin, alt eftir hvussu nógv melda til. Sí viðfestu innbjóðing.

Oktober 10th

Vladimir Putin fingið heiðursmerki frá FINA

Altjóða svimjisambandið FINA kunnger her at russiski forsetin Vladimir Putin í dag fekk handað serliga heiðursmerkið 'the FINA Order', á altjóða ráðstevnuni "Russia – A Sport Power" in Cheboksary í Russlandi.

Hetta hevur ikki óvæntað fingið eld í svimjimiðlar sum til dømis SwimVortex, ikki bara vegna støðuna í Ukrania, men eisini tí at Russland seinastu árini hevur heystað so mikið nógvar dopingdómar innan netupp svimjing, at spurningurin er um tey ikki áttu at verið útilokað sum tjóð sambært galdandi FINA reglur.

Innbjóðing til FOMM 2014 í Klaksvík, leygardagin 15. november 2014

Viðfest er innbjóðing til fimtu Føroya Opnu Masters Meistarakapping, sum verður í Svimjihøllini í Klaksvík leygardagin hin 15. november 2014, í fyri svimjarar eldri enn 25 ár.

Tíðarætlanin er hendan:

  • 16:00 Upphitingin byrjar
  • 17:30 Kappingarnar byrja
  • 19:30 Liðugt
  • 21:00 Hugnaløta við mati