Alvi til Sette Colli 2018

Alvi Hjelm fór í morgun til Rom í Italia, har hann næstu tríggjar dagarnar skal royna seg á stóru altjóða svimjistevnuni Settecolli 2018.

Startlistarnir fara at kunna síggjast her, men vita vit longu nú at talan verður um eina óføra harða kapping, ímóti nógvum av heimsins bestu svimjarum.

Alvi skal royna seg í 400 frí, fríggjamorgunin, í 400 blandað, leygarmorgunin, og at enda í 200 blandað, sunnumorgunin.

Av teimum sum kappast í hesum greinum, kunnu nevnast Mykhaylo Romanchuk, (UKR), Jay Lelliott (GBR), Peter Bernek (HUN), David Verraszto (HUN), Max Litchfield (GBR) og Chad Le Clos (RSA).

Italiumenn skriva her okkurt um live stroyming frá bæði innleiðandi riðlum og finalum, sum vit tí sjálvsagt fara at royna at finna fram.

Ger viðmerking

This site uses Akismet to reduce spam. Learn how your comment data is processed.