Óli, Alvi og Magnus í DM-finalur seinnapartin

Tey hava avgreitt síðsta sett av innleiðandi riðlum á DM á stuttgeil 2017, har føroyingarnir megnaðu at kvalifisera seg til finalur í øllum tí sum teir luttóku í.

Í 200 blandað svam Alvi Hjelm seg við 2:06.02 til eitt 8. pláss í innleiðandi, sum merkir at hann fær eina uttargeil í A-finaluni.

Í 50 rygg svam Magnus Jákupsson seg við 24.85 til eitt 2. pláss í innleiðandi, aftanfyri bara turkiska Iskender Baslakov á 24.61. Hann er tí sjálvsagt í A-finaluni.

Í 400 frí svam Óli Mortensen seg við 3:53.63 til eitt 4. pláss, og Alvi Hjelm við 3:57.75 til eitt 10. pláss, sum merkir at Óli er í A-finaluni og Alvi í B-finaluni.

Frans Johannessen er eftir øllum at døma liðugur at kappast fyri hesuferð.

Finalurnar byrja klokkan 17:00 danska tíð, sum er klokkan 16:00 her í Føroyum. Til ber at síggja stroyming frá kappingini her á livetiming.dk

Ger viðmerking

This site uses Akismet to reduce spam. Learn how your comment data is processed.