Óli 4:41.61 og gull í 400 blandað á Lyngby Open 2017

Óli Mortensen vann fyri løtu síðani gull í 400 metra blandaðari svimjing á langgeil, tá ið tey avgreiddu ta kappingina á Lyngby Open 2017. Tað var rættiliga sannførandi svimjing, har Óli úti á ytstu geil legði seg klárt á odda beinanvegin í firvaldasvimjingini, fyri eina løtu at verða eitt lítið sindur innheintaður í rygg, og síðani draga frá aftur í seinnu helvt av ryggsvimjingini, og í bringu og í crawl. Tíðin 4:41.61 er eitt lítið sindur frá hansara persónliga meti á 4:41.42, har Alvi Hjelm so aftur eigur føroyska metið á 4:30.17.

  

Ger viðmerking