SSF ásett nálatíðir og kravtíðir til FM á langgeil

Kunning vegna Svimjisamband Føroya

Svimjinevnd SSF hevði herfyri sín fyrsta regluliga fund, har tað á skránni var m.a. væntandi nálatíðir til svimjing á langgeil, og fyrireiking av fyrstu FøroyaMeistarastevnu á langgeil. Umboð fyri starvsnevndina luttóku eisini á hesum fundi.

Untitled


Svimjinevndin avgjørdi her, at nálatíðir til langgeil (50m) skulu gerast eftir sama leisti sum núverandi nálatíðir til stuttgeil (25m), tað vil siga við at sláa upp somu stig í FINA talvunum sum tá vóru galdandi, og at hesar skulu vera galdandi frá 1. januar 2016. Hetta er nú eftirfylgjandi gjørt, sí viðfestu talvu.

Nýggjar nálatíðir verða gjørdar eftir FM á stuttgeil 2016.

Svimjinevndin avgjørdi hartil, at kravtíðir til FM á langgeil eru bronsunál. Av tí at ikki øll enn hava havt møguleika at klára bronsunál á langgeil, verður tað í eini skiftistíð loyvt at bronsunálin er frá svimjikapping á stuttgeil.

Starvsnevnd SSF tekur undir við hesum avgerðum, og er tað tí hervið samtykt.

Vegna SSF

Rókur

Ger viðmerking