Kina ivast í støðinum hjá Sun Yang

Kinesiska tíðindastovan Xinhua endurgevur her landsliðsvenjara Yaho Zhengjie fyri at siga at tað er ‘mission impossible’ hjá Kina at vinna 5 gullheiðursmerki sum á seinasta HM.

(Sun Yang og Pál á HM í Shanghai í 2011)

“Tað verður ógvuliga trupult hjá okkum at vinna fimm meistaraheiti sum vit gjørdu seinast í Barcelona, tí besti svimjari okkara Sun Yang er enn ikki á toppstøði”, skal Yao Zhengjie hava sagt nú aftaná at kinesiska meistarastevnan endaði.

Sun Yang vann í Barcelona gull í 200, 400, 800 og 1500 frí. Men nú Baoji svam hann bara 1:45.75 í 200 frí, í mun til at týski Paul Biedermann á týsku meistarastevnuni svam 1:45.60, meðan hansara 3:44.53 er bara fjórskjótasta tíð í heiminum í ár, og hansara 15:00.73 í 1500 frí tann sættskjótasta.

Kinesarar vænta at 18 ára gamli Mark Horton úr Avstralia verður størsta hóttanin á 1500 metrum í Kazan. Her haldi eg at man má rokna í øllum førum italska Gregorio Paltrinieri uppí, og kanadiska Ryan Cochrane, og vónandi okkara Pál Joensen.

Ger viðmerking

This site uses Akismet to reduce spam. Learn how your comment data is processed.