Kunning vegna Svimjisamband Føroya
Starvsnevnd SSF hevur ásett viðfestu kravtíðir til Evropeisku JuniorMeistarastevnuna og Evropeisku Leikir í Baku í Aserbadjan hin 23. til 27. juni 2015, og til HeimsMeistarastevnuna í Kazan í Russlandi hin 2. til 9. august 2015.
Photo courtesy of Amar77, CC BY-SA 3.0
Kravtíðarskipanin til EJM/EL í Baku er so gott sum tann sama sum til EJM 2014, har vit tó nú mugu hava í hyggju ta kvotu á 5 svimjarar sum fyriskipararnir av EJM/EL hava givið okkum.
Kravtíðarskipanin til HM er sum ásett av FINA, har svimjararnir skulu klára ávísar kravtíðar, og Svimjisambandið annars kann taka út 2 kvinnur og 2 menn, um færri enn hetta klára kravtíð.
Úttøkuskipanin til NMU verður sum undanfarin ár, ein úttøka av so-og-so nógvum svimjarum út í frá FINA stigum, við minstakravi á 500 stig. Nágreiniliga talið er ikki ásett enn, men verður væl sum vant eini 8 til 10.
Starvsnevndin tilskilar sær rætt at ikki taka út svimjarar, um støðið verður hildið at vera ikki nøktandi.
Vegna Svimjisamband Føroya
Rókur í Jákupsstovu