Magnus og Frans í finalur á Euro Meet 2015

Teir báðir Magnus Jákupsson og Frans Johannesen svumu seg í nakrar finalur, tá ið Euro Meet var í Luxembourg í vikuskiftinum. Besta úrslit var tá ið Magnus við tíðini 26.51 sekund svam seg til eitt 4. pláss í 50 rygg.

Í 50 firvald varð Magnus nr 21 við tíðini 25.66, sum ikki rakk í finalu, og við tíðini 1:00.60 nr 17 í 100 rygg sum rakk til B-finalu. Í sjálvari B-finaluni varð hann so nr 3, sum takk til eitt 13. pláss av øllum.

Frans varð við tíðini 1:53.41 nummar 12 í innleiðandi 200 frí, meðan hann við tíðini 1:54.75 so dragnaði nakað í B-finaluni, til eitt 18. pláss av øllum.

Sunnudagin svam Magnus seg við tíðini 27.23 í A-finalu við 8. bestu tíð í innleiðandi 50 rygg, fyri síðani í finaluni at verða nummar 4 við tíðini 26.51.

Tann dagin royndi Frans seg í 100 frí, har hann við tíðini 53.34 varð nummar 45.

Sum skilst varð danska liðið rakt av sjúku í Luxembourg. Vit vita ikki í hvønn mun hesir báðir hava verið ávirkaðir av hesum.

One thought on “Magnus og Frans í finalur á Euro Meet 2015”

Ger viðmerking