Pál kann vinna gull í Canet

Startlistin er nú klárur til Mare Nostrum stevnuna í Canet, 12. og 13. juni, har vit millum annað síggja at Pál hevur bestu tilmeldingartíð í 800 metra frí.

(Kappingarhylurin í Canet. Jón Bjarnason eigur myndina)

Føroyska luttøkan er rættiliga stór í Canet, við tað at har umframt Pál eisini luttaka tey 5 á føroyska EJM-landsliðnum, og teir báðir Magnus Jákupsson og Frans Johannesen sum svimja fyri danir.

Á føroyska EJM-landsliðnum eru Victoria Wigant Eysturdal, Ásbjørg Hjelm og Alvi Hjelm úr Ægir, Óli Mortensen úr Havnar Svimjifelag og Eyðbjørn Joensen úr Suðuroyar Svimjifelag.

Pál hevur bestu tilmeldingartíð í 800 metra frísvimjing, og 9. bestu í 400 metra frí.

Í 800 frí eru argastu kappingarneytar á pappírinum Damien Joly úr Fraklandi og Marc Sanchez Torrens úr Spania; men longri niðri á pappírinum eru eisini franski Anthony Pannier sum vann bronsu í 1500 frí í Canet í fjør, og danski Mads Glæsner.

Í 400 frí verður Pál sambært tilmeldingartíðunum ikki at síggja í finaluni, hóast hann nú leygardagin vann silvur í Monaco. Men tað kann broytast, tí frammanfyri Pál eru millum annað Mads Glæsner og spanski Victor Goicoechea, sum svumu væl spakuligari enn Pál í Monaco. Teir hava bara betri tilmeldingartíðir, frá stevnu áðrenn Monaco.

Út yvir Pál er tað nokk bara Magnus sum kann koma í finalu, við 13. bestu tilmeldingartíð í 50 metra ryggsvimjing. Har hava tey A og B finalur, so har skuldi verið rímiliga góður kjansur, nú eini 8 sleppa í hvørja.

Men tó so verður tað spennandi at fylgja við innleiðandi riðlunum eisini; tí har eigur Óli Mortensen til dømis føroysku juniormetini í 400 og 800 metra frí, Victoria Eysturdal føroysku juniormetini í 200 og 400 frí, og Ásbjørg Hjelm føroyska juniormetið í 50 bringu.

Føroysk luttøka á Mare Nostrum í Canet …

Mikumorgun 11. juni frá kl 09:00 Canet tíð – riðlar

50 rygg: Magnus (#13)
50 frí: Victoria (#82), Eyðbjørn (#84)
400 frí menn: Pál (#9), Óli (#32), Frans (#36), Eyðbjørn (#43), Alvi (#59)
200 rygg: Magnus (#26)
100 bringa: Ásbjørg (#42)
400 blandað menn: Óli (#22)
200 frí: Victoria (#55), Ásbjørg (#60), Frans (#31), Eyðbjørn (#61), Alvi (#86)

Mikudag 11. juni frá kl 16:00 Canet tíð – finalur

Magnus kanska í 50 rygg, Pál kanska í 400 frí

Hósmorgun 12. juni frá kl 09:00 Canet tíð – riðlar

50 bringa: Ásbjørg (#38)
50 firvald: Eyðbjørn (#69)
800 frí menn: Óli (#20), Alvi (#35), Frans (#42)
400 frí kvinnur: Victoria (#37)
100 rygg: Magnus (#24)
200 bringa: Ásbjørg (#36)
100 frí: Victoria (#82), Frans (#93), Eyðbjørn (#102)
200 firvald: Óli (#28)

Hósdag 12. juni frá kl 16:00 Canet tíð – finalur

800 frí: Pál (#1)

Skrá, startlisti og sjónvarping

Skráin fyri stevnuna í Canet sæst her á marenostrumswimming

Startlistin kann takast niður her

Franska Sport+ fer at sjónvarpa frá finalunum.

One thought on “Pál kann vinna gull í Canet”

  1. Ein ørvísi uppseting av føroysku luttøkuni

    50 frí kvinnur
    82. Victoria Eysturdal (1998) 28.03

    100 frí kvinnur
    70. Victoria Eysturdal (1998) 58.59

    200 frí kvinnur
    55. Victoria Eysturdal (1998) 2:06.45
    60. Ásbjørg Hjelm (1999) 2:07.03

    400 frí kvinnur
    37. Victoria Eysturdal (1998) 4:25.27

    50 bringa kvinnur
    38. Ásbjørg Hjelm (1999) 33.90

    100 bringa kvinnur
    42. Ásbjørg Hjelm (1999) 1:14.03

    200 bringa kvinnur
    36. Ásbjørg Hjelm (1999) 2:38.50

    50 frí menn
    84. Eyðbjørn Joensen (1996) 24.00

    100 frí menn
    93. Frans Johannesen (1992) 51.96
    102. Eyðbjørn Joensen (1996) 52.20

    200 frí menn
    31. Frans Johannesen (1992) 1:50.81
    61. Eyðbjørn Joensen (1996) 1:53.34
    86. Alvi Hjelm (1996) 1:55.36

    400 frí menn
    9. Pál Joensen (1990) 3:51.45
    32. Óli Mortensen (1996) 3:56.38
    36. Frans Johannesen (1992) 3:58.38
    43. Eyðbjørn Joensen (1996) 4:00.78
    59. Alvi Hjelm (1996) 4:05.26

    800 frí menn
    1. Pál Joensen (1990) 7:50.81
    20. Óli Mortensen (1996) 8:08.98
    35. Alvi Hjelm (1996) 8:22.97
    42. Frans Johannesen (1992) 8:37.06

    50 rygg menn
    13. Magnus Jákupsson (1994) 25.63

    100 rygg menn
    24. Magnus Jákupsson (1994) 55.99

    200 rygg menn
    26. Magnus Jákupsson (1994) 2:03.98

    50 firvald menn
    69. Eyðbjørn Joensen (1996) 25.44

    200 firvald menn
    28. Óli Mortensen (1996) 2:05.00

    400 blandað menn
    22. Óli Mortensen (1996) 4:30.51

Ger viðmerking

This site uses Akismet to reduce spam. Learn how your comment data is processed.