Seks venjarar hjá FLOT hava í kvøld staðið lívbjargingarroynd í hylinum á Toftum, undir leiðslu av lívbjargingardómara Runa Gaardbo og skeiðsfyriskipara Jórun Eið. Hesi bæði og onnur hava úr at gera hesa tíðina, tí feløgini royna øll at fáa allar sínar venjarar gjøgnum skipanina, og skúlar og onnur taka eisini av tilboðnum. Sostatt var hetta næsta skeið á Toftum hesa vikuna, umframt at eitt skeið var í Fuglafirði heilt nýliga.
