Óli Mortensen luttók fyri løtu síðani í 400 metra frísvimjing fyri menn á World Cup stevnuni í Moskva, og gjørdist hann har nummar 28 av 38 luttakandi, við tíðini 3:59.46 har besta tíð hjá honum frá NJM í Finnlandi í fjør er 3:57.16. Sí úrslitalistan her.
Nú er hetta ein opin seniorkapping á høgum støði og uttan aldursbólkar, og luttøkan av juniorum og yngri tí eisini avmarkað. Men tað er tó eitt sindur merkisvert, at Óli varð triðskjótastur av teimum á hansara aldri ella yngri, har hin skjótasti var hin ein árgang yngri kinesarin Li Yongwei sum gjørdist nummar 14 við 3:50.90, og næstskjótasti javngamli Anton Skudnov úr Russlandi sum gjørdist nummar 23 við 3:55.39. Nokk so stór lop í tíðum millum hesar tríggjar, men har vóru eisini 5 aðrir javngamlir og nakað yngri sum svumu bæði eitt sindur og væl spakuligari.