Óli 8:25.69 í 800 frí á EJM 2013, Alvi 8:36.35

Teir báðir Óli Mortensen úr Havnar Svimjifelag og Alvi Hjelm úr Ægir luttóku í morgun í 800 metra frísvimjing á evropeisku meistarastevnuni fyri ung, sum er í Poznan í Pólandi. Óli megnaði at seta nýtt føroyskt juniormet við tíðini 8:25.69, har hansara besta tíð til og juniormetið var 8:30.32 frá íslendsku meistarastevnuni í apríl 2013. Alvi svam teinin uppá 8:36.35, har hansara besta tíð er 8:34.96 frá Danish Open í mars mánaða. Sí úrslitalistan her.

Føroyingarnir eru nú lidnir við at svimja fyri í dag, eftir er bara morgindagurin har Eyðbjørn skal royna seg í 50 frí, og at enda teir fýra í 4×100 blandað.

Ger viðmerking

This site uses Akismet to reduce spam. Learn how your comment data is processed.