Føroyingar í finalu eisini fjórða dag á Danish Open 2013

Guðrun Mortensen úr Suðuroyar Svimjifelag er við 27.71 víðari til hálvfinalu í 50 frí, við 15. bestu tíð av teimum 16 sum sleppa í hálvfinalu. Magnus Jákupsson er við 2:09.58 og fjórbestu tíð í innleiðandi riðlunum í morgun víðari til finalu í 200 metra ryggsvimjing, umframt at hann við næstubestu tíð frá hálvfinalunum í gjár er víðari til finalu í 100 firvald. Pál Joensen stendur enn (saman við Mads Glæsner) á startlistanum til 1500 frí, men er væl ivasamur vegna sjúku. Alvi Hjelm er eisini í finaluni í 1500 frí, við fimtbestu tilmeldingartíð og rættiliga góðum heiðursmerkjavánum um Mads og Pál ikki svimja.

aegir-a-danish-open-2013

(Ægir og Ottesen á Danish Open 2013. Dan Hjelm eigur myndina)

Finaluskráin seinnapartin sæst her á livetiming.dk, tey byrja klokkan 17:00 danska tíð (16.00 í Føroyum), og til ber sum fyrr nevnt at síggja finalurnar beinleiðis her á dr.dk/sporten.

Ger viðmerking

This site uses Akismet to reduce spam. Learn how your comment data is processed.