YouTube fer at senda beinleiðis frá IPC Berlin 2011

Í morgin fara Krista Mørkøre og Ragnvald Jensen til Berlin, at luttaka á evropeisku meistarastevuni fyri brekaði, sum verður 3. til 9. juli. Paralympics.org skrivar her at YouTube fer at hýsa beinleiðis video frá stevnuni, bæði innleiðandi riðlar og finalur, á www.youtube.com/paralympicsporttv



Krista venur til dagliga í Ægir og Ragnvald í FLOT. Stevnan er ikki aldursbólkabýtt, og serliga Krista fær tí trupult við at vinna nakað, sum so vítt vit vita yngsti luttakari yvirhøvur á stevnuni. Við teimum báðum er Rúni Gaardbo sum venjari og Torkil Mørkøre sum leiðari.

Innleiðandi riðlarnir eru frá klokkan 9 til 13 týska tíð, og finalurnar frá klokkan 16 til 20:30, sunnudag til leygardag 3. til 9. juli. Tað er ávíkavist frá klokkan 8 til 12 og 15 til 19:30 í Føroyum. Kappingarnar verða at síggja bæði LIVE og bandaðar, so vit fáa ríkiligt av møguleikum at fylgja við.

Ger viðmerking

This site uses Akismet to reduce spam. Learn how your comment data is processed.