Væleydnað svimjing runt Vatnið í Vági

Suðuroyar Svimjifelag skipaði her fyri løtu síðani fyri svimjing runt Vatnið í Vági, við heilum 29 luttakarum. Pál Joensen vann kappingina í opna bólkinum hjá monnum, Erna Katrin Olsen kappinga í opna bólkinum hjá kvinnum, Rakul Biskopstø kappingina í seniorbólkinum hjá kvinnum, og Jon Hestoy kappingina í seniorbólkinum hjá monnum.

Pál Joensen megnaði at svimja rutuna runt Vatnið 8.46.8, og vann sum nevnt kappingina hjá monnum í opna bólkinum. Lítlibeiggi Eyðbjørn varð nummar 2 við 9:42.8 og Johan Erlingsson varð nummar 3 við 15:11.

Hjá kvinnum vann Erna Katrin Olsen gull og steyp við 11:50.6, meðan Shaila millum Garðarnar varð nummar 2 við 13:09.7, og Lív Erlingsdóttir Eidesgaard nummar 3 við 18:39.

Hjá seniorkvinnum varð Rakul Biskopstø nummar 1 við 18:10, Tóra Bærentsen nummar 2 við 23:19 og Ingibjørg Kristiansen nummar 3 við 23:52.

Og hjá seniormonnum var tað sum nevnt sjálvur svimjisambandsformaðurin Jon Hestoy sum varð nummar 1 við 11:22.7, meðan formaðurin í triathlonfelagnum Evald Rasmussen varð nummar 2 við 12:29.8, og formaðurin í Havnar Svimjifelag nummar 3 við 15:33.

Nú í kvøld verður grill-party umborð á Johannu, við sjórænaraflaggi og HS-supermerki og øllum. Góða Jóansøku, tit øll !