Størstu profilar á Reykjavík International Games í januar vóru heilt víst Alexander Dale Oen úr Noregi og Jakob Jóhann Sveinsson úr Íslandi, sum báðir eru bringusvimjarar, og sum við 870 og 863 FINA stigum stóðu fyri bestu avrikum á stevnuni. Alexander vann holmgonguna millum teir báðar í 50 og 100 metra bringusvimjing; og her er tað so 200 metra bringusvimjing, á evsta degi av stevnuni. Stuttligt at síggja hvussu Alexander er góður til at starta og venda, meðan Jakob Jóhann hálar inn í sjálvari svimjingini.