svimjing.com

Fyrsti partur av FINA Swimming World Cup 2009 verður í Durban í Suðurafrika í morgin og ovurmorgin 16. til 17. oktober, har nakrar av heimsins bestu svimjarum fara at kappast um peningavirðislønur á tilsamans í minsta lagi 102.000 US dollarar, umframt 360.000 US dollarar í samlaðari premiupulju til tey sum vinna mest, næstmest og triðmest av øllum fimm World Cup stevnunum tilsamans, og 10.000 US dollarar til tey sum klára at seta heimsmet.

FINA hevur hesa síðu serliga til stevnuna í Durban, við leinki til 'live' úrslit á omegatiming.com, og 'live streaming' á universalsports.com. Startlistarnir eru klárir her á omegatiming.com, har vit síggja at teir m.a. eru bara tríggir í 1500 frí, og tríggjar í 800 frí, og at tað yvirhøvur eru mest suðurafrikarnarar, hálendingar og Jessica Hardy sum gera seg galdandi, umframt nakrir einstakir afturat úr serliga Avstraliu, Brasiliu, Týskalandi, USA og Svøríki.