Tanja, Magnus og Eyðbjørn verja borg

Tey trý hava til nú bjargað tilsamans 7 av okkara 9 plaseringum í topp-3 á DÅM 2009, í harðari kapping við danir. Flestu føroyingar havað betrað seg í onkrum; men tað er týðiligt at danir eru væl niðurtrappaðir til hesa stevnu. Hartil er Eyðbjørn opinbart sjúkur, og tað er kanska eisini tí gingið eitt sindur eftir hæli hjá okkum, í mun til styrkismetingina áðrenn.

Nú í morgun var eitt sindur soltið hjá okkum, har bara Magnus Jákupsson kláraði at klóra seg til eitt annaðpláss í 100 rygg, í kapping har hann annars var styrkismettur at gerast nummar 1. Ikki tí, Erna Katrin Olsen betraði seg aftur nógv í 400 frí, og Turið í 200 bringu, og í bólki 2 tók Tanja aftur eitt sekund av sínari bestu tíð í 200 blandað. Umframt at Eyðbjørn gjørdi eitt ordiligt hál niðureftir í 200 blandað, frá 2:44.41 til 2:39.86, sum Bjarnason tó sigur er vegna eina í so gamla tíðmeldingartíð.

Oyggjaleikasvimjararnir báðir Poula og Birita svimja lukkutíð eisini skjótt, hóast tær ikki eru niðurtrappaðar til hesa stevnu. Birita hevur havt nakrar smuttarar í ryggsvimjingini, seinastu dagarnar; men í dag vísti hon endliga klassa í ryggsvimjingini, við at svimja 100 rygg uppá 1:06.87 í eini ‘ikki-super’ FS Pro drakt, har hennara besta tíð í Speedo LZR er 1:06.05. Tær svumu báðar bara eitt vet verri enn bestu tíð í 50 frí, fríggjakvøldið, og Poula imponerar hartil við at betra seg nógv í 200 blandað og 200 rygg.

Seinnapartin er so seinasti partur av hesi stevnu í Danmark, har føroyingarnir í bólki 1 skulu svimja serliga 100 frí, og teir í bólki 2 serliga 100 firvald og 100 rygg. Eitt yvirlit yvir luttøkuna kann síggjast her, har eg leypandi seti inn úrslit, so hvørt sum føroyingarnir svimja.

Ger viðmerking

This site uses Akismet to reduce spam. Learn how your comment data is processed.