Heim

Pál møguliga til Stockholm at kappast ímóti Glæsner og Mellouli

Hós, 06/11/2008 - 13:50 — rokur

Sum tit kanska hoyrdu í Útvarpinum fyri løtu síðani, so verður arbeitt við at fáa Pál til Svøríkis at kappast í næstu viku, á árligu World Cup stevnuni í Stockholmi. Ein ógvuliga áhugaverd kapping, har t.d. Mads Glæsner og OL-gullvinnarin Oussama Mellouli longu eru tilmeldaðir í 1500 frí.

Her síggja vit Mellouli vinna gull í 800 frí á OL í Beijing í august HM í Melbourne í fjør. Hann varð seinni dømdur at missa gullið, vegna doping (sí gomul tíðindi her á svimjing.com):

Trupulleikin er bara, at hendan risastóra og altjóða stevna er mitt í viku, og Pál tí verður skrivaður upp fyri fráveru á Studentaskúlanum. Vit hoyrdu Helenu Dam á Neystabø lova at tey fara at gera okkurt við hendan trupulleikan skjótt, mánakvøldið á evniskvøldinum í Útvarpshøllini, men spurningurin er um tey kunnu arbeiða so skjótt. Ella møguliga gera okkurt sum kann virka við afturvirkandi kraft.

Vit á svimjing.com fara sjálvsagt at gera alt fyri at fáa tykkum og okkum dagførd so væl sum gjørligt, um gongdina á World Cup stevnuni í Stockholm, um tað verður so væl at Pál sleppur avstað.

Viðmerkingar

Hós, 06/11/2008 - 14:02 — rokur
Mynd: rokur

Kom so Føroyar

Bókstaviliga talað.

Maðurin er klárur... nú er tað bara ein spurningur um Landið kann fylgja við !

Hós, 06/11/2008 - 14:21 — Treshold
Mynd: Treshold

800m frá HM í Melbourne 2007

Eg veit, eg var har ;o)
Ous gjørdist heimsmeistari, men var jú tikin fyri doping :(

Hós, 06/11/2008 - 16:54 — rokur
Mynd: rokur

Uups

OK, hatta varð lagt ov skjótt út. Skuldi bara brúka okkurt av Mellouli :-)

Hós, 06/11/2008 - 17:00 — rokur
Mynd: rokur

Nú er tað alment

Les her á ssf.fo:

Í døgnum 11. og 12 november verður FINA World Cup kappingin í svimjing í Stockholm. Svimjisambandið hevur avgørt at melda Pál Joensen til í 400 frí og 1500 frí. Pál hevur bestu tíð í heiminum hetta kappingarárið í 25 metra hyli.

Tilmeldaður við sjeyndibestu og fjórðbestu tíð

Pál er tilmedaður við tíðinum, ið hann svam til DMK herfyri og gevur tað honum eina seeding sum nr. 7 í 400 metrar frísvimjingin við 3:45.21. Henda kapping verður svomin við innleiðandi og finalu týsdagin 11. november. Mikudagin 12. november skal Pál svimja 1500 metrar frísvimjing, ið verður svomin við veikasta riðli um morgunin og skjótasta riðli um kvøldið. Her er Pál tilmeldaður við tíðini 14:49.34, hetta er fjórðbesta tilmeldingartíðin. Besta tilmeldingartíð hevur danin Mads Glæsner við tíðini 14:45.19, OL-gullvinnarin Oussama Mellouli er tilmeldaður við næstbestu tíð og amerikumaðurin Robert Margalis er tilmeldaður við triðbestu tíð, hetta er ein púra opin kapping og vónirnar til Pál eru stórar.

Frí, 07/11/2008 - 12:20 — bartal

World Cup beinleiðis á SVT24

Kappingin verður víst beinleiðis (í hvussu so er finalurnar) týsdagin og mikudagin kl 19.00 lokal tíð ella kl 18.00 føroysk tíð á SVT24.

"Simning: Världscupen
Direktsändning från Eriksdalsbadet i Stockholm och dagens finalsimningar i världscupen. Kommentator: Staffan Lindeborg.
BREDBILD"

Staffan Lindeborg segði undir OL: "One World, one dream, but only one Michael Phelps". Hvat fer hann at siga um Pál Joensen?

Frí, 07/11/2008 - 13:41 — rokur
Mynd: rokur

Kanska eisini streaming, please?

SVT eru nokk so røsk at leggja videobrot á heimasíðuna, og tey live-streamaðu eisini frá OL:
http://svt.se/svt/jsp/Crosslink.jsp?d=71295&a=1222786

Her er høvuðssíðan ísv sjónvarping frá svimjing á SVT:
http://svt.se/svt/jsp/Crosslink.jsp?d=21192&a=411068&lid=puff_299730&lpo...

Frí, 07/11/2008 - 13:51 — rokur
Mynd: rokur

FINA streamar (vónandi)

Sí www.fina.org/project

Frí, 07/11/2008 - 19:55 — rokur
Mynd: rokur

Jú, tað verður nokk streamað

Stockholm er í øllum førum á skránni her, og stóri spurningurin er tí fyrst og fremst, um tey kanska onkunsvegna fara at forða okkum í at kunna síggja tað her í Føroyum:

http://www.nmnathletics.com/newMediaPlayer/console.htm?DB_OEM_ID=23020&t...

Mán, 10/11/2008 - 10:17 — rokur
Mynd: rokur

1500 verður IKKI 'live streamað'

Noy noy noy, síggi nú at tey fyrst senda frá kl 18:00 GMT, sum er sama tíð sum í Føroyum
http://www.nmnathletics.com/newMediaPlayer/console.htm?DB_OEM_ID=23020&t...

Finalan byrjar við 1500 mikudagin kl 17:40 føroyska tíð, og vit hava fingið váttað frá svensku fyrireikarunum, at hetta merkir at teir 1500 IKKI verða sendir 'live' í SVT24 heldur.

Harvið er bara www.omegatiming.com eftir, um ikki okkurt heilt serligt hendir

Mán, 10/11/2008 - 12:48 — rokur
Mynd: rokur

Vit skulu nokk senda okkurt

Um tað so bara verður 'live' skermmynd av www.omegatiming.com, við speakara