Elspa sett trý føroysk met í vikuskiftinum?

Elspa Mørkøre hevur sambært sport.fo sett trý føroysk met í vikuskiftinum, á teimum trimum rygg-teinunum sum eru. Í 50 rygg var tíðin 29.43, í 100 rygg 1:03.87, og í 200 rygg 2:16.03. Viðmerkjast skal tó at nýggju metini ikki eru váttað av SSF enn, og tískil møguliga ikki eru galdandi, vegna reglurnar fyri hvussu ein kann seta føroyskt met.

Ikki at eg hervið pástandi at har var nakað galið; men har eru bara ymiskar reglur sum fyrr hava forðað føroyingum í at seta met uttanlanda. Um ikki reglurnar eru broyttar her tað seinasta árið, so er tað okkurt við at Elspa skal hava luttikið fyri landsliðið, ella at luttøkan á svimjistevnu uttanlanda skal hava verið fráboðað SSF í góðari tíð.

Eg kenni ikki umstøðurnar nóg væl, men róti meg út í hetta fyrivarni vegna at Kári á Høvdanum brendi seg av líknandi umstøðum í fjør.

One thought on “Elspa sett trý føroysk met í vikuskiftinum?”

Ger viðmerking