Joan og Karina danskir meistarar í tri fyri lið

Sum tit kunnu lesa her, so gjørdust føroysku Joan Bláfoss og Karina Ottesen í dag danskir meistarar í sprint-triathlon fyri lið (750 metrar svimjing, 20 km súkkling og 10km renning), saman við donsku Ann Banke og Maja Nielsen. Eftir øllum at døma hevur Karina offrað seg í svimjing og súkkling, tí hon kom heilar 11 minuttir eftir hinar tríggjar á mál, eftir at hava fylgst við teimum fram til renningina.


Tíðirnar hjá teimum trimum vórðu:

  Svimjing Skift Súkkling Skift Renning Tilsamans
Joan Bláfoss 0:13:50 0:48 0:37:25 0:52 20:49 1:13:42
Ann Banke 0:13:44 0:56 0:37:24 0:51 20:50 1:13:42
Maja Nielsen 0:13:50 0:51 0:37:25 0:49 20:51 1:13:43
Karina Ottosen 0:13:46 0:53 0:37:28 0:47 31:14 1:24:06

Harvið vann teirra triathlonfelag, KTK86, danska meistaraheitið í sprint-tri fyri lið, við tíðini 1:13:43 (t.e. tíðin hjá triðja luttakaranum á mál). Odense Triathlon Klub gjørdist nummar tvey við tíðini 1:18:18, og TRI4 nummar trý við tíðini 1:20:08. Sí úrslitalistan her á heimasíðuni hjá Ultimate Sport Service, ella við at kaga gjøgnum heimasíðuna hjá stevnufyrireikarunum Ganløse Tri-Center.

Longu næsta vikuskifti skulu tær báðar aftur í eldin, tá ið kappast verður í Århus um donsku meistaraheitini í triathlon á OL-teininum (1500 metrar svimjing, 40 km súkkling og 10 km renning).

Ger viðmerking

This site uses Akismet to reduce spam. Learn how your comment data is processed.