Oussama Mellouli viðgongur doping

Dopingroyndirnar staðfestu amfetaminir í blóðinum hjá honum runt US Open í Indianapolis í fjør, og Mellouli viðgekk at hava tikið onkra tablett til at halda seg vaknan upp undir eina roynd í skúlanum. Tunesiska svimjisambandið helt at hann skuldi sleppa við eini ávaring, men nú er spurningurin um tað ikki verður meira enn so. Ikki so gott, tá man júst hevur vunnið gull og silvur á HM.

Dopingreglurnar eru eftir øllum at døma eitt sindur óklárar hesum viðvíkjandi. FINA og CAS (Court of Arbitration of Sport) siga ‘andan í lógini’ vera at eitt og hvørt ítróttarfólk hevur ábyrgd fyri hvat sum fer í kropp teirra, meðan WADA (World Anti Doping Association) sigur at straffurin kann minkast um evnið annaðhvørt er vanligt í medisini, ella ikki verður mett at betra um ítróttarligu evnini.

Líka mikið, FINA hevur nú biðið CAS um at endurviðgera positivu dopingroyndina hjá Mellouli. Straffurin kann sambært SwimNews verða útilokilsi frá 2 mánaðum til 2 ár, og hartil skulu úrslit hjá honum strikast runt hendingina. Ikki so gott, við tað at hansara gull í 800 frí og silvur í 400 frí á HM í Melbourne eftir øllum at døma kunnu vera innan fyri hesi tíðargrensu.

Lesið upprunaligu tíðindini her á SwimNews

2 thoughts on “Oussama Mellouli viðgongur doping”

  1. Hetta er umleið sama grein sum eg segði frá omanfyri, við einum áhugaverdum ískoyti:

    However, when asked whether CAS would look favourably on Mellouli, a source close to the court said: “No, no. The swimmer’s lawyers have admitted what happened and it is a banned substance. They may be a little more lenient but I expect the results from Melbourne to be cancelled even if he can come back in time for Beijing, which is also doubtful.”

    Mellouli missur altso mest sannlíkt heitið sum fyrsti tunesisiki (og arabiski) heimsmeistari, og fær møguliga ein so langan straff at hann ikki nær at koma við til Beijing 2008.

Ger viðmerking