svimjing.com

Almenn móttøka var í Klaksvíkar Svimjihøll í kvøld, í sambandi við at nýggju startskamlarnir vórðu tiknir í nýtslu, sum Klaksvíkar Kommuna saman við Ægir hevur keypt. Talan er um um sama slag av startskamlum sum verða brúktir til altjóða svimjistevnur sum til dømis EM, HM og OL, ið hava ein serligan kíla aftan til at seta av ímóti, og innbygda tøkni til at kunna staðfesta tjóvstartir við. Klaksvíkar Svimjihøll er so vítt vit vita bara triðja høll í Norðurlondum sum hevur ognað sær hetta slag skamlum, og fyrsta í danska kongaríkinum.

"There will be a revolution in FINA in the next 12 months", sigur John Leonard stjóri í American Swimming Coaches Association (ASCA) og nevndarlimur í World Swimming Coaches Association (WSCA), um ikki ovasta stjórnin í FINA kúvendir í avgerðini um at vilja forbjóða øðrum enn sær sjálvari at koma við broytingaruppskotum til reglugerðina hjá FINA. Leonard & co hava tí innkallað til atkvøðugreiðslu í dag á ASCA World Clinic, sum er í Indianapolis í hesum døgum, at atkvøða um limirnar har skulu stovna eitt samtak kallað "World Swimming Association", "capable of replacing FINA as the governing body for aquatic sports". Lesið her á SwimNews.com

Tíðirnar frá FM 2007, '08, '09 og '10 eru at finna á grafinum her. Stafettirnar eru ikki tiknar við. Bara tann besta tíðin hjá finalistunum tikin við, tað vil siga, um viðkomandi svam skjótari í innleiðandi umfarinum, so er tann tíðin at finna her. Tíðirnar verða vístar í sekundum.

Super tíðindi úr Týskalandi, at vísindafólk á universitetunum í Tübingen og Mainz nú halda seg hava funnið ein máta at kunna kanna um fólk hava ílegudopað seg: "For the first time, a direct method is now available that uses conventional blood samples to detect doping via gene transfer and is still effective if the actual doping took place up to 56 days before". Les her á SwimNews.com

Hesuferð er tað spanska ítróttaravísin Marca sum skrivar um Pál, ið annars sambært Wikipedia oftast skrivar um fótbólt til sínar 2.75 milliónir dagligu lesarar. Langt og tó allan vegin í gjøgnum faktuelt rætt um Pál Joensen og Føroyar, um Suðuroynna og hylin í Vági við 4 geilum á 25 metrum, um Oyggjaleikir og úrslitini í Beograd, um HM í Rom í fjør, og um imponerandi menningina til nú at vinna silvur í Budapest. Alheims ítróttar-journalistar eru veruliga imponeraðir og áhugaðir, síðani teir ikki bara sleingja okkurt út, men skriva søguna sum hon er. Lesið her (á sponskum) á marca.com.

Hon bíðar enn eftir at veðrið skal batna, og løgið nokk tosa tey enn um trupulleikar við at fáa neyðuga visa til at sleppa at byrja úr Kuba. Men 'spennandi' at hoyra um stórar hávar, og um at tey nú í september bíða eftir "the calm before the storm". So er at svimja skjótt, til at náa yvirum áðrenn ódnin rakar!

Fylgið annars við á www.diananyad.com

Avstralska Stephanie Rice hevur haft trupulleikar við betendilsi í økslini, og bleiv tí skurðviðgjørd í gjár. Sær út til at vera okkurt slag av kikaraoperatión, og longu nakrar tímar eftir var hon klár at verða útskrivað aftur. Hon verður ikki klár til Commonwealth Games í oktober, men væntandi til Shanghai komandi summar. Les swimnews.com

Íslendska Morgunblaðið skrivar nú at Sindri Þór Jakobsson hevur fingið norskan ríkisborgararætt, og tí skiftir til at kappast fyri norðmenn heldur enn íslendarar. Hann luttók annars fyri Ísland m.a. á EM í Istanbul í fjør, og føroyskir svimjarar minnast hann kanska frá Reykjavík International í januar í ár, har hann vann gull í 50 firvald, 200 firvald, 200 blandað og 1500 frí, umframt silvur í 400 blandað. Orsøkin til at hann skiftir, er at norðmenn hava betri stuðning til ítróttarfólk enn íslendarar. Og fyrsta uppgáva hjá honum fyri Noreg verður sambært Morgunblaðnum EM á stuttgeil nú í vetur.

Avstralska Libby Trickett kunnger í dag á Twitter, at hon nú offisielt er byrjað at venja aftur. Hon gavst annars aftaná HM í Rom í fjør, eftir at hava vunnið bronsu har í 100 frí. Og er annars forsvarandi OL-meistarin í 100 firvald frá OL í Beijing í 2008. Hetta kann vera serliga gott fyri stafettina hjá avstraliukvinnum, sum tey t.d. skriva á blogguni Speed Endurance.

Hon er eitt sindur gomul nú, greinin í Politiken, daterað 15. august 2010. Men har stendur ymiskt áhugavert, so sum at hann verður samanborin við onnur føroyskt brøgd sum tá ið Ove Joensen róði til Danmarkar, tá ið Jon Hestoy svam 1500 metra firvald, og tá ið Hestoy át nekarakyss. Eitt sindur um hyljar, um søguna hjá Pál, um møguliga venjing saman við dønum, og um Elspu Mørkøre. Lesið her á pol.dk.